真係過去一年幾比evernote縱到壞曬
而家evernote免費版勁仆街又限文件夾數量又限文件數量，最後唯有將啲資料大搬家

其實創作唔算特別多（3x個檔左右），但麥舞既野我一直file曬係evernote度，所以搬家都用左一段時間
本來諗住craft會係個歸檔+寫文app好歸宿

歸檔黎講覺得係好睇方便同埋filing好直覺既！！！
但寫文真係搞唔掂，佢應該本身唔支持中文字所以打速成打到接近換行時會速成打唔到，要打啲廢字打到過左個換行位先至正常返
雖然刪返啲廢字就冇問題，但每寫一行字都要咁做真係人都癲⋯⋯⋯
結果唯有再搵下有冇鐘意既寫作app

然後發現真係冇😂😂😂😂
好多人用既notion我都研究過但佢某方面同craft好似，手動隔行既個一行如果你成篇文copy去其他地方，你個手動隔行會自動消失左ry
而且佢導出既pdf檔字體好樣衰所以我都唔ok，好sad

simplenote個啲其實都算岩要求，但我有時寫文鐘意加粗體/斜體/轉顏色，所以只能純文字既又ng

memo式既google keep個類又唔岩心水

搵黎搵去就發現其實我真係幾鐘意evernote個種歸檔同打文格式，而且又可以網頁同步
但佢對免費仔既操作真係好仆街，仆街到唔想比錢佢賺🥲（

搞到最後好似只能返去google doc
但我好唔鐘意google doc個版面淨係可以按名稱/最近更新/最近新增黎排序，如果要睇自己既寫文folder要按返去google drive，兩個app跳黎跳去好煩，又唔係開得快
網頁開既話重要跳新分頁，其實係好無奈
但好似得返google doc滿足到我寫文既格式要求⋯⋯冇得唔低頭⋯⋯⋯

其實重有iphone自帶既備忘錄我都覺得好好用，又開得快，又可以較字體
但佢冇得網頁同步，要匯出文檔都好麻煩😂😂😂
勁慘每個app都有啲地方岩我要求但又有啲位對我黎講好ng

我既理想寫文app大概就係開得快+（網頁）唔洗彈新分頁+支持網頁同步+可以改字體+可以分folder/tag整理+匯出文檔可以保留到我既隔行同字體改變
⋯⋯⋯可能都係要求太多😂😂😂

因為自己寫文有時候係唔係真係寫文而係記梗，如果下下都要好大陣仗咁打開google doc寫我就好容易頹（）
所以我有段時間甚至係求其開私噗寫完一堆野然後再手動備份返去啲寫作app度（。）

有時候其實唔比自己覺得係係度認真寫文既話會落筆舒服好多😂😂😂
google doc寫文莫名令我好容易有寫作壓力，覺得唔認真寫一篇文咁點解要特登開文件咁⋯⋯⋯
所以都唔知係咪真係返去用google doc好

備忘錄寫文係真係好快好爽，我尋晚就已經寫左一篇短文ry
應該係短篇掛冇得計字數，反正唔會好長
但佢冇得網頁同步又冇得匯出，點解啊啊啊啊啊啊（抱頭

到底平時用手機碼字既文手平時都會用咩app，唔通真係notion⋯⋯🥲

下篇再碼字大概會係需要分章既長度，所以想正式寫之前決定好以後繼續用既寫作app but毫無頭緒⋯⋯
臣妾好難搞🥲

btw其實上年開始寫既都係D4同人，某程度上有諗過公開但唔知可以公開去咩平台
而且我總覺得自己寫既D4未必係其他人心目中既D4時會比人批判，所以冇膽公開😂
處於一個好想同其他人分享腦洞但十分驚會比人comment我創作既尷尬位
每到呢啲位就會覺得我真係好矛盾，不愧係矛盾特質好重既射手仔😂😂😂（。）（突然星座
點解～～往往自尋煩惱～～～啊～～