咁就二月 其實未必好多野講
因為又開始忙了
其實依家呢一刻係寫唔出野所以玩電話 哈哈
希望嚟緊可以好好地做靚啲assignment
好卑微的願望
同埋outgoing少少同人地傾吓偈好冇

踏踏！2月咁有愛嘅月份一定得！我話嘅

miohoshi: 謝謝嗚嗚嗚嗚嗚
我愛我啲Essay（喂

有啲人話要act like弱少少去問人野
就可以快啲同人熟（我估男女相處嚟講會work？
但唔好意思係econ堂仲要有少少dy/dx
Which is 開正我嗰範
跟住佢話佢已經唔記得dy/dx所以唔係好計到
我：喺佢仲諗緊嘅時候已經搞點smart af
其實想教佢但佢好似仲諗緊 結果都係冇教 佢自己會諗明
跟住近排落堂都即走 然後等上堂我地又真係可以唔出聲
同埋唔講嘢都唔尷 算係另類熟？
不過！尋日少少progress係我比左喉糖佢！！
仲要係幾fun（晏啲認真打 順便打埋點識 得閒先

粒智慧齒出緊嚟 見到個白色角
仲以為自己熱氣

超勁（我

五點仲天光嘅日子終於返嚟了

聽日佢又唔返學了哈哈
（可能因為見得太多 今日冇見到佢反而幾輕鬆（？
又唔使化妝 又唔使緊張（其實都唔係好緊張
但再咁落去真係毫無進展
救命，近排我好煩（自己講

真係好鍾意行公園條路返去
又有雀仔聲又有啲松樹葉嘅味 真係好chill的
然後17:40都仲未日落晒，實在太幸福
光明的日子要回來了

雖然已經夜晚但係講吓琴晚發夢
真的很有趣 夢見林生了（久違
甚至仲有十指緊扣很夢女很奇怪但我好開心哈哈
其實成個夢都係嗰種兩條友傻吓傻吓fing吓fing 吓
甚至仲有嗲佢（嘔 但不是嘔心嘅嗲 係偏玩嘢嗰種
可能因為換咗新wallpaper

很突然的光榮退役我的木砧板
由我yr1九月陪到我而家 一年半（？
用咗好耐 雖然冇明顯霉但我覺得要換啦
再見朋友

唔覆機是想點
拜託我超好人send上堂嘢比佢 但佢仲未睇
嗱 我幾肯定佢自己未必識做
真的這麼忙嗎

又想去旅行了啊

嬲嬲地...佢唔覆機 不讀不回嗰隻
其實我唔介意人唔覆的
但係我係send lecture嘢比佢（佢個日冇返
然後佢差唔多就過咗一日都未睇
但有po story 同喺幾分鐘內睇我story
今日mgt 堂冇成功打到招呼（呢堂唔同佢坐
其實嬲係嬲我有學業嘢send比你 你唔睇 都算
同我講話唔得閒遲啲睇都好 like message都好 我知你忙
但依家不讀不回我真係唔知你想點 幾肯定我唔send佢唔會識計
同埋啲題係冇upload到 救命我其實超好人
但依家有種好人完人地唔想理嘅無力感

平時我都會不讀不回（好多vm嗰啲
但緊要嘢我一定睇...
ok我真係明你多嘢搞 但至少通知聲話晏啲睇/下weekday再睇都好 起碼知你睇左...
仲要其實你係ig active 睇埋我story...
唔知佢想點 但星期一見到佢再諗 依家真係躁底
已經唔係鍾唔鍾意佢嘅問題 係我憫點解特登send返你冇返啲嘢比你 你可以完全唔理
換其他人我都會嬲 依家仲有啲想unsend曬啲答案

欸 OK笑咗 啱啱打完佢就覆我了 三分鐘前
都仲係嬲嬲地
希望唔係咁accidentally 聽到我同啲frd講
其實都睇咗佢唔喺度先講 哈哈
但嗱係feel到佢有啲愧疚嘅

在很有feel的hall上堂
有教堂feel hhhhh

白雪公主很配幻影王國
仲要真係有蘋果（糖）

哈哈本身今日落堂諗住買吓嘢就返去
結果朋友話learninghub有嘢打
夾硬等咗九個字（期間有做嘢啦
跟住一齊打咗個情人節特別m on
開心呢

日本應援場氣氛也太好了吧
好想去同人一齊尖叫

紀錄想去邊（英國外
巴黎歌劇院（四月會去
//以下未有plan同時間(以想去程度排
First tier 維也納 冰島（極難
Second tier 柏林 羅馬 威尼斯
Third tier 慕尼黑 瑞士 華沙 布達佩斯 波爾圖 布拉格
//想二刷
- 哥本哈根（top tier
- 斯德哥爾摩（排名較後

其實係唔想做嘢依家喺度ff

琴日去咗人哋u睇concert
話係phantom theme但其實就係彈嗰個帶住面具
有一個女仔唱歌嘅就叫佢做Christine
然後中間加插啲書入邊嘅故事哈哈
沒有音樂劇歌 但呢個價位算係咁
只可以話係Classic concert haha不過係幾Q
彈嗰位帶住面具出嚟嘅時候邊行邊搣玫瑰花葉
完全就係嗰啲佢鍾意我佢唔鍾意我嗰種
講到去跌吊燈前一幕 彈完嘅時候仲特登boom一聲

主要就係連相都可以影就知有幾小型
不過應該係大學學生表演 係幾enjoy嘅

情人節連踩四堂後食完韓燒去買奶茶
超可愛狗狗 仲要勁黐我係咁過嚟整我隻腳

ruaaaaaaaaaaaaaa
用咗最大嘅勇氣問佢星期一放學得唔得閒
都未講做咩
其實因為星期二考試我真係想一齊溫 佢都get
結果佢話有job
真嘅（應該）佢好忙 收皮先 咁就係我哋決戰

琴日開IG真係好想問究竟係點樣開始到拍拖
A0真的很疑惑 我都係同學校拍拖算 好多嘢要交

smith 哥保佑考試滿分
順便求個姻緣（不是

今朝久違見到下巴生暗瘡 勁大粒嗰啲
仲心諗咩事 啱啱一睇原來嚟M OK合理了

開threads見到一堆澳門人
莫名有啲感動 有啲掛住...
同時見到咁大戾氣真係呆咗...冇嘢好講

久違地開餅塔了 新餅很中我

我覺得我久違嘅中學教人心態又來了
見到呢張圖真係兩眼一黑 你嚇親我了
見到個下即刻喺間房大叫 \\你條AC去咗邊//
我驚我遲啲同佢講廣東話溫書會變咗葉蛇語氣
阿大佬呀你做咩Q嘢呀？！！！

好jap的cp

啫係 純香草拎咗咁耐嘅權杖 其實係黑影牛奶攞嚟監視佢
計落佢係喺學院嘅時候已經有
同埋細個都經歷過身邊嘅人有「謊言」出現
咁即係話其實黑影牛奶由佢細細個已經監視佢
然後要純香草成為佢嘅樣子
跟住引佢去謊言之塔 仲搞到佢黑化
純香草唔聽話佢仲要勁興奮 咩事

蘋果糖（呷醋）：從來都冇見過黑影牛奶笑得咁開心

買呀 做嘢咁辛苦為咩 買呀！！

深夜四點 Essay進度照舊
而家成個腦都係好想去維也納睇Phan

其實我同林生先係有心靈感應吧
下星期有新歌聽了 又有動力了！！

不愧係我哋緊貼潮流嘅古老闆
聽到佢親口講想拍九龍城寨之BL實在太神奇
我一定支持㗎 同城城大戰七日七夜（喂

話說英區幾時上臨時決鬥
很想睇短褲背心打拳🥊

追星同鍾意人適用

完蛋了好幾年

miohoshi: 冇辦法 男人們真係太可愛（？

記錄一下北極圈CP設定+私家糧（未有心情做quiz
主要係覺得呢個情節放喺任何CP都係好boommmm
A = 當紅偶像派男團歌手 B = 當紅曲詞編監男歌手
其實講完都知係乜水 但真係北極圈到爆
其實咸豐年前呢對有熱過一陣
設定：A：1999年金牛座 B：1991年處女座 襯爆
A同B同年新人出道 係一齊爭新人獎的
A第一次錄音係B監製 首歌都係B作嘅
但因為某啲原因完全冇派台 最後demo變咗某樽裝茶廣告bgm
（B有講過自己攞咗A第一次（講笑語氣
甚至而家嗰樽茶都冇咗嗰兩隻味 ok其實講緊道地傳說綠茶同傳說焙茶 好好飲

Throwback to 2021年 AB再加另外兩位星有合作舞台
（下稱拉闊（係商台嗰啲演唱會嚟
（主打搵啲唔同嘅星一齊合作concert
嗰陣時B啱啱出咗新歌 髮型好似A平時咁 仲罕有地冇帶眼鏡
俾好多網民笑話唔認得同埋好似A
喺訪問嘅時候 好多記者攞呢個嚟講笑 B都會特登cue A
B：我就開心啫 阿A就唔知啦～似個咁（停頓）嘅人（迷之語氣
A：（慌張）咩啊！！！唔係呀！
［記者：咁阿A你睇咗覺得點？］
A：好...好好呀！［B繼續亂講嘢］
A：咩啊！我真係好想你似我！！！

然後某場訪問兩位莫名其妙翹住咗隻手翹咗大半個訪問
跟住B無啦啦發現自己翹住咗A
但兩條友都唔知幾時開始翹 自自然然翹咗咁耐
嗰一場拉闊 就係B同A合唱咗A第一次錄音冇派台嘅歌
甚至歌名叫有一種傳說 而家真係變咗傳說
唱之前A仲話當年自己好多懶音 B好嚴格
B就話佢而家改善咗好多咁
跟住就唱咗！唯一一次！嘅有一種傳說
喺之後無論A/B演唱會或者任何programme都冇再提過
連demo都冇用過 真係成為咗當日限定嘅傳說

其實訪問同拉闊當日仲有好多互動位 但都唔係重點
嚟緊呢一堆先係 仲要俾我獨家見到
就係2023年B去A演唱會 但完全冇po任何嘢 超級低調
並且仲要喺A演唱會中途公佈自己演唱會嘅嘢
但同時佢又真係好認真咁睇演唱會
（同排有一位填詞人 明顯係冇咩心機睇 仲會篤手機
（但B除咗中途好快速地走咗去廁所同埋po嘢之外都係好認真咁望A
（A行去T台係會擰轉一路望住佢 唔係睇mon
真係得我一個自己食糧咁 其實講真有諗過要唔要po
但費事搞到佢兩位 當日應該冇人知B有去到A演唱會

溫唔落了等我繼續
（話說翹手係A翹B 但平時B其實好少俾人掂佢
（唔知點解咁順手呢可
除咗上述避嫌行為實在太可疑 演唱會中途都有唔少糖
首先尾段大合唱前係會播A體驗粉絲應援嘅片
當中A好身同感受 而嗰段時間都係A經歷完比較大傷害
潛水休養嘅日子 有影佢讀粉絲嘅信 係好感動嘅片
B睇片睇到bling bling 眼咁 雙手托下巴好認真睇
個樣完全就係好欣慰嘅感覺
跟住就嚟完場嘅時候A唱咗佢參加比賽初賽嘅歌
歌名係《我多喜歡你，你會知道》 B除咗一面冧樣咁望住A之外 仲有跟住唱咗幾句 （佢睇咗成場淨係呢首有跟唱幾句（我睇口型 而其中一句佢有跟嘅：喜歡你已變成信仰難以戒掉 B係真係勁開心勁甜咁邊睇邊唱 （話說B中途都有錄片

OK應該係最後一篇
而後續係而家佢兩個基本上冇咩互動
對上一次好似係A俾人話好似inside out2嘅阿尷
B剛好盲盒抽倒就tag咗A
其實A 2024年有首歌係B作曲監製的
但A宣傳嘅時候唔知點解勁見外咁稱呼B做「老師」
喂呀明明你哋兩條友同年新人又合作過
我真係唔信你哋咁唔熟
仲要上述各種細節都好有避嫌嘅感覺
不過呢對北極圈CP而家講出嚟應該冇乜人食
AB各自都有好熱門嘅CP搭配 但而家睇返佢哋啲舊物料 真係好感動 四年了 我仲等緊佢哋第一次合作嗰首歌出 希望會喺B演唱會聽到 demo都好 或者俾我妄想佢哋2021組合會出現

救命 很偶爾地聽到單戀雙城主題曲就開始睇劇了
結果咁啱雙城係香港同埋馬來西亞
有冇咁巧合
話說人大了就會自己搵返啲TVB舊劇睇

雖然完全冇學過
之前都毫無興趣 但而家突然想玩結他

其實落club對我嚟講係有氧運動
不過呢度嘅可能僅限Kpop我先跳得起
今日係musical但其實un左三個鐘我淨係熟幾首
當然 毫無意外地 冇Phan 可能適合我自己喺屋企癲算

話說返到港澳唔敢落club/bar
其實本身冇咩興趣 尤其係club
不過港澳應該多啲我熟嘅主題
但係返到去個氛圍係過去溝仔溝女（吧
英國呢邊係真係純粹一班人一齊跳一齊high
至少Glasgow係 唔飲都得
甚至試過跳到好攰幾條友去bar問佢攞水飲

今日一落堂就見到林生出預告
上堂中途偷偷地Loop咗好耐 剛好英國都就嚟春天了

un左三個幾鐘而家隻腳開始嚟了
老人家唔得了

咩事日日背後話人地好靚仔好好睇好可愛
結果一見面乜都講唔出咁
救救唔識撩人傾偈認真上堂嘅乖學生
對了 星期五嗰堂佢無返
結果我放學後去learninghub撞到佢
仲要係嗰種眼尾見到熟悉嘅人嗰啲 感謝我冇近視嘅眼
返學嘅快樂就係咁簡單 痴線

好想睇奧地利Phan 好型

今日做嘢狀態：面無表情打字 但耳機播緊phan