[不赦之罪] 秋生哥同蘇玉華就一定好睇，但係今次我好大程度係為咗睇佐治！
佐治真係好有heart同好努力，好開心佢有呢個機會做到呢個角色🥹
佢今次真係做得好好！！！🥹🥹🥹 好叻仔！👏🏻👏🏻👏🏻
為咗呢套戲剷頭同減磅減到勁瘦，好respect!!!🫡
唔好睇佐治平時鹹鹹濕濕冇嚟正經，呢幾年佢喺演戲方面真係好認真好俾心機，有目共睹👍🏻
至於劇情，係有少bug，片長略嫌短咗啲，如果可以長返少少講多少少每個角色嘅心態轉變，可能會好少少？
個人覺得好大程度係演員發揮得好所以套戲先好睇，秋生哥同蘇玉華加埋佐治撞出嚟個矛盾好好睇
新進導演嚟講，套戲真心唔係差，係值得支持👍🏻

[史迪仔]
今次係冇毀原著嘅真人版！ 真心收貨！！！
好大程度跟足晒原著劇情，咁咪好囉
有笑有淚，笑到喊＆感動到喊都有🥹🥹🥹
Lilo個小演員真係神還原，外表性格動靜都勁似，選角選得好👍🏻
毛神神嘅史迪仔都好正，望落好似好好摸咁🥺
Anyway 輕輕鬆鬆合家歡嘅戲，又唔傷害原著粉，係唔錯嘅👍🏻