哞~

Day 1
多謝夾卡嘅車主老師幫我買定周邊前一日就弘大交收左 然後又陪我打卡 幫我影相 day1係坐看台 VIP最後一行 本身博有花車結果係冇

soundcheck 我第二CP就bobo了雖然我冇成功拍片 影再張模糊嘅相 好QQ

我嘅前面左邊兩邊都係渣人們 冇人嗌應援又跟唱勁大聲 黑問 仲要我右邊嗰位同佢前面係識嘅於是佢一激動就係咁拍前面凳又問前面啲仔講乜 有啲騷擾好煩
不過都冇人會覺得我係佢哋家人，所以佢哋唔會同我講嘢 亦都冇問我識唔識中文係唔係中國人

到尾二首歌 手燈就冇電又懶得換就冇影到彩虹燈
但完場有老師帶我jap牛腸 好好jap

不過第一日開場係夜晚八點，所以睇完已經差不多11點 再去蠶室jap完牛腸已經冇地鐵 老師仲好好幫我哋睇埋搭咩車大家一齊搭N車走 因為N車都好慢，所以返到去沖完涼已經兩點接近三點先瞓

Day 2
因為琴日買咗袋包諗住肚餓食 結果等開場隔離食嘢都比Staff鬧我就冇食到就做咗今日嘅早餐
一路化妝一路食包 第二日嘅穿搭
本日企坑，所以淨係帶一個大袋
企坑差不多提早一個鐘排隊 三百幾號派咗出去帳篷，外面曬到嘔 好彩有day1 VIP禮物風扇仔救咗我一命 熱撚到hi hi

排隊嗰陣又係前後左右都係渣人們 又同我講英文 咁樣冇人會覺得我係大陸人 不過我都英文唔係幾好 我就同佢講可以講中文 入場嗰陣我前個號碼都係石擔 咁啱我哋一入去都係想企到最後挨欄杆 就一齊企 同埋佢朋友 順便一齊打卡 雖然大陸人，但係佢哋兩個都幾好唔會好kam 家石好靚仔

雖然係企坑嘅最後面 不過後面都有舞台，所以會經過都好近 視覺係咁 （幾時出iPhone 17 好想換機了。

然後完場終於可以同老師影到彩虹燈 老師又帶我去蠶室jap好嘢 經過Mega coffee雖然閂咗門 但未熄燈都照打卡 今日完場九點就可以食完嘢再搭地鐵返去

Day 3
呢日係勁早就要開始排隊 12點就排soundcheck 起身化得妝衝去Daiso買電 驚啲電唔夠 第三日我個位係最前嘅7x號 所以唔可以Miss咗排隊 是日dress code係Fly up （呢張相仲要係我返咗去之後再出去食嘢嘅時候影 個妝頭都仲keep到 感人 香港咁濕應該唔得 講緊我喺韓國都係出晒汗好熱）
Day 1把風扇啲字已經甩緊俾我捽甩 sm好流
soundcheck家哥戴眼鏡 大癲
7x號 目標我擔嘅企位 可以企到第二排 可以都同佢對到眼

我自己感覺六個都有直接對到眼 真係好前好清楚睇得 係個台有啲高佢哋企得入啲就會睇唔到腳 個提詞器都有少少擋

真係喺台前面
隔離一邊係韓妹一邊係大陸人 前排趴杆都係兩個大陸人 後面係一堆韓妹
我右邊個韓妹好好人，一嚟就請我食糖 係溫柔嘅同擔
左邊嗰個人其實冇出過聲，但係我睇到佢手機用WeChat 佢係拎大炮 後尾佢迫下迫下迫咗上去第一排趴杆
後面個韓妹勁煩，等開場佢擰轉面傾偈，個背脊就宅住我個背脊 重點係佢背脊好撚熱，搞到我都好撚熱 後尾開場之後又全程跟唱⋯⋯

咁我左邊個人迫左上前佢後面嗰啲又再迫上嚟，後尾唔知係邊度嚟一個勁大隻嘅韓妹 迫咗上嚟 差不多最後幾首歌 係咁壓落嚟又阻住我睇 勁乞人憎 佢壓住我我又壓返住佢，佢阻住我睇，我就將個手機放喺佢膊頭上面
隔籬嗰個溫柔的同擔都有問我喺邊度嚟 我哋一齊勁嗌應援 然後見到家石又係咁一齊尖叫 勁興奮，然後對望笑咗

真係我喺我面前嘅哥line 然後有個小遺憾就係明明前兩日Impossible都係主舞台跳 今日我再近主舞台，但係佢搬咗去小舞台

其實小舞台真係完全睇唔到

最抵死第二日唔記得蓋章 我白痴

d3 7點就完 呢日冇再約人就毒毒食外賣
鞋扣爛左⋯⋯ 殘廢的我

到最後都飲唔到嘅mega coffee

應該係話佢賣晒而我飲其他野 個staff都話冇晒杯套