luz....心情複雜無諗過最後會係咁

唔知講咩好...但點都好曾經因為你嘅存在而留咗好多美好嘅回憶，多謝

琴日仲係無乜野只係覺得遺憾，然後今日慢慢消化完見到各個人嘅回應，情緒先開始湧上黎

其實已經完全無留意佢一段時間，而且對佢失望到近乎無再諗起過呢個人，所以無預到佢嘅離開比自己想像中更難過

當初會真正反感佢嘅原因唔係吸毒呢單野（可能因為各種前科所以其實唔太意外），而係之後復出好似無事發生即開演唱會，價錢仲要比平常貴，有種無曬錢搵fans埋單嘅感覺

而且睇返當初佢身邊嘅唱見fd都講有提過佢，喺佢行差搭錯時有嘗試拉返佢上黎，但佢選擇繼續咁樣落去然後就爆左單吸毒大獲野，最後大家都疏遠佢

可能當時佢嘅情緒加上群埋另一班壞朋友所以選擇繼續呢條路...

點講好...只係諗返起佢以前演唱會、xyz、同其他唱見朋友一齊玩嘅直播，就好難受，點解最後會搞成咁...雖然對佢失望但都唔想佢咁樣離開

暫時都未有心理準備聽返佢嘅歌，一聽應該會爆喊...
多謝你嘅歌聲 多謝你曾經帶xyz黎過hk 多謝你同我畫嘅畫合照 再見