真是講到我的心坎裡

導火線：阿姐發現有份上年既野，係做錯左既，而份野既其中一個source，係來自我既。衰就衰在負責份野既同事呢，就已經離左職，即係已經死無對証，「點解果陣做份野會唔同我講有野要改架?」、「做份野既時候睇唔到有問題要我呢邊個source去update架咩?」。反正冇，總之我就硬食架啦。
我完全承認我既過失就係，完全相信果個同事，以為有野要改佢會發現+同我講，冇走去主動睇下有冇野要update

主線就開始啦：又有另一個新入職既同事，仲未分配到工作內容俾佢，咁阿姐就安排左佢做咩呢？走去將我啲野去check喎，我都唔知由邊日既file開始check。反正結果就係好荒謬。
(本身我地做野啲file就擺上public drive既個人folder到，方便大家睇同拎既。)
同事朋友竟然拎左份，其實我仲做緊未做完既野，發現有錯喎。
咁我收到email問，喂，錯喎，解釋下點解錯，detail咁解釋呀。
咁我已經答(email冇咁串既)，做緊架個file，我係你send email質問我之前，我已經更新左架啦。真係咁啱得咁橋佢封email來之前果一日，我更新左個新既file係個public drive到，更新日期寫到明既。但冇用，我完全feel到阿姐係唔信既。而且仲補左句，你發現有error，咁你要同全部人講先啱

呢句野其實都反映埋，佢係唔信個file係working架，完全冇理過我既講法。如果個file係working，我入面有野要改要執，會唔會係一個"error"，會唔會係需要回報呢。重點係，個file本身就唔會出街，冇影響過任何其他工作內容，我就真係唔明點解係咁話呢個係一個error，要同大家講先啱。咁唔通我自己開word檔打錯隻字，「哎，我打錯字添，大家唔好意思，我打錯字呀」?我直接backspace打過隻字咪得囉

嬲在，你查份野時，又唔問聲係咪用得，係咪ready，我答你係，然後你查到有錯，咁我認命呀。問都唔問，認定係已經完成既result，然後check到有錯，我話本身未完成，又唔信。
諷刺係咩呢，份野本身其實唔洗今個月做，本身可以係10月先一炮過做，我自己'勤力'(屎忽痕)，做左先。

結論：我以後唔會主動做咁多野，啲workflow會放返曬入去local