我覺得(至少我自己)寫畀OC嘅世界觀嘅重點通常唔係合唔合邏輯，而係嘗試扭D設定令到D角色演出到某D畫面
可以係好簡單咁show off個角色能力(eg時空穿梭，開Portal，勁x1000000000打得但一D刀吾串)，寫一堆溫馨貼貼片段，或者令到個角色講出某D「名台詞」搭出一個接一個嘅高潮場面，最後非常壯大地run end credits(可能已經揀埋片尾應該用邊首歌)
重點係畫面靚，故事設定有幾make sense，角色成長曲線要點舖墊，或者個世界觀有幾嚴謹全部都係次要

但個問題係你要佢成到一個完整嘅「故事」嘅話，果D次要部分反而先係重點處理事項
而且當真係選擇要講故果陣，你就要認真思考呢個「故事」嘅本質係咩
或者再衰D咁講，有冇講嘅價值

一個故事可以係好簡單嘅slice of life，可以係巴黎鐵塔反轉再反轉嘅嚴肅燒腦故事，宣傳某D價值觀又得(大路嘅愛情觀，性本善/惡又得，controversial嘅宗教，woke都得)，甚至乎係單純想寫2(+)個角色瘋狂色色嘅甜故/折磨人類到死嘅獵奇故都得
但無論如何都要至少有一條主軸，而且唔同主軸會有佢唔同嘅評分基準(空氣系->D角色夠可愛到可以carry晒全場，燒腦->有足夠邏輯+解釋世界觀能力，宣傳價值觀->分配清楚唔同角色嘅擔當部分，自身三觀有幾正，甜故/獵奇故->夠唔夠甜/血腥到人花時間睇你段故黎J)
但High Guardian Spice基本上就係報晒所有科，然後全部都fail得好徹底嘅悲劇

High Guardian Spice嘅情況就係:
空氣系->主角群性格全部勁飄忽又多稜角，作者太享受中途附身落角色度自話自說建立唔到角色魅力
Coming of Age青春喜劇->主角群0成長曲線
王道冒險故事->先唔講High Guardian，連作者都似乎唔知Guardian嘅使命到底係乜，所以就算身為Guardian嘅MacGuffin女1牙媽都完全carry唔到條主線
霍O華茲式魔法校園生活->學校設定太唔嚴謹，冇人知D老師做緊乜同想做D乜，魔法設定0平衡而且說明不足，冇人知道點解大家要響一個可以隨時開Portal嘅世界度坐船
燒腦/嚴肅/獵奇系->太多破壞氣氛嘅笑話，風格一時一樣(90%kid show式嘻嘻哈哈跟住突然爆血+爆粗)，然後又係個作者都搞唔清到底新舊魔法嘅根本衝突係咩

(最多人批評嘅)Woke/Inclusiveness->最慘係佢連呢樣野都係做到唔湯唔水，全部佢想探討嘅男女角色分配問題，LGBTQ議題全部都係無關痛癢嘅閒角
連設定最詳盡最英明神武嘅Trans教授(aka self-insert)都係對主線嘅影響非常有限，而且當一個可有可無嘅角色有咁唔平衡嘅資訊量果陣，就會顯得成件事都冇重心(+黑子重點攻擊方向

我超級明某D OC就係響咸豐年代已經寫左10萬字祖宗十八代家譜+幾十個特異功能+幾百個成長片段+幾千個高光時刻，但問題係如果呢個唔係故事主角嘅話，你一係就要花心機將主角群寫到至少有呢個OC一半咁豐富，一係就要適當地nerf個OC(唔單止減佢戲量)令佢冇咁突兀
which High Guardian Spice就係兩者皆無¯\_(ツ)_/¯

其實認真講呢D都唔係死罪，好多故事都好有野心但唔係範範掂，好多知名SF奇幻系故事嘅世界觀都唔係真係咁嚴謹(就算係HP嘅魔法設定都唔平衡，多啦A夢嘅道具都會互相排斥甚至可以隨時毀滅世界)，但一個唔係完全失敗嘅故事應該至少有一件事係可以俾fans攞黎護航
which High Guardian Spice作者揀左budget唔夠做擋箭牌
根本成條production team都係經驗不足，呢個問題無論你丟幾多錢落去都唔會解決到
上至故事核心信息，下至世界觀嘅平衡度同角色之間嘅背景整合同互動都冇雕琢過，呢個完全係寫故事嘅人嘅功力問題

我自己嘗試諗故事果陣都成日有「我好想響呢個特定地點安排呢個特定場景，去表達出A同B經歷完『某D野』之後都有所成長」嘅構思
但當你再慢慢plan前面嘅event果陣就會發現好多位都需要調整，可能係某D之前嘅event影響左A同B嘅關係同互動，可能係故事有CDEFG同場所以要改變一D環境設定先自然過渡到去個event，可能係成個「某D野」嘅context都轉左，連帶想表達嘅野都轉埋
呢個係非常漫長而且可能會改變角色本質嘅經歷，特別係你對OC投放愈多感情就產生愈多矛盾，所以係需要有一定覺悟+一直取捨邊D係打死都要保留嘅部份，邊D係可以為左個故事放棄嘅部份咁(?
慢慢個角色應該會開始有一種「如果context係咁佢大概會點點點做」嘅感覺，呢個大概就係角色跳出左你扯線公仔框框嘅時刻(或者係過於暴走需要重寫

有時咁樣back and forth去調整故事會有意想唔到嘅收穫，可能係可以串到埋其他plan緊嘅event做一個連貫嘅發展，或者係將原本廢棄左嘅idea重新擺落去更適合嘅新event入面，我覺得呢個都係創作好大嘅樂趣之一
當然間中都會擔心自己調整嘅時候會唔會搞到太唔自然甚至係break左成個故事，又或者係某D橋段太無聊拖戲
呢個又係需要取捨，到底係嘗試微調細節令佢繼續到落去，維持連貫性放棄晒成段情節，定係堅持佢帶出嘅效果可以掩蓋其他冇咁自然嘅部份(畢竟創作本身有一定自由度可以決定唔同部份嘅輕重)
特別係角色A與B嘅經歷可以影響埋C同D嘅時候就會更複雜，你可以寫到好真實嘅人際網絡所有人都有千絲萬縷嘅關係，亦都可以寫到所有野都支離破碎全部人都好似活響自己時空咁
而HGS就係後者

例如好似yter D片咁講，教授作為女1牙媽bff+街知巷聞嘅戰友組合其實可以產生好大plothole
因為個故事成日強調女1牙媽同童年時嘅女1關係好好，就算冇同教授面對面見過，都冇乜理由提都唔提教授或者share任何相
而且turn out教授根本冇任何關於牙媽嘅有意義情報，令到成段經歷都非常無謂
佢可以解釋其實牙媽一直都因為某D原因隱瞞呢件事增加深度，亦都可以成段cut走用其他方法描述教授威水史，之類
...啊不過講穿左其實成段劇情都只係為左畀教授懶自然咁講出「禾系TrAnsGEnDeR」，但為左呢樣野連主線邏輯都要讓路就真係有D erm...輕重不分
呢個其實係靠時間同心機可以解決嘅問題，不過故事從頭到尾類似嘅沙石一直有增無減，就會好令人懷疑製作組到底真係花左幾多心血落寫故事度

另外就係因為原作者自己都冇搞清楚「Guardian」，「新舊魔法」等等其實超級核心嘅概念，成套野一提起主線劇情就會變得非常虛無縹緲，而呢樣野亦都嚴重影響到主角群嘅成長曲線
講緊係4個主角有3條線都同白紙一樣薄(女1->成為Guardian，女2->舊魔法擁護者，女4->新魔法破壞地球)，同時間套野仲要一直sell自己有幾diverse果陣成個主題就變得非常混亂，變相令到同呢兩條主軸無關嘅配角丑角正常好多
特別係bully擔當嘅反派因為有幸避過原作者附身，加上始終如一地西+搞笑+無視呢個唔多嚴謹嘅世界嘅規則，仲要同男1一齊有成長(超罕見)，非常諷刺地成為本作最最討喜嘅角色

掉返轉造型最可愛嘅女2就係一個情緒唔安定仲要用最白痴嘅理由搞Third-Act Breakup嘅toxic fd
同埋因為一有關佢事嘅event就會掂到新舊魔法或者係禾同女1友情比金堅!!!(然後下集鬧交)嘅無聊爭拗所以ok煩
然後想講佢誤殺條龍狂爆血又係勁off，唔係唔畀你爆血但你前面99%時間個調性好light根本0舖墊，佢帶出嘅信息又未重要到犧牲之前建立嘅tone
感覺就係原作者好舉棋不定，一直決定唔到應該要走family friendly青春日常路線定係serious sh!t蕃茄醬放題
你要玩tone shift當然ok，但前提係你嘅節奏轉析要度過諗過，which又係我覺得原作者懶嘅地方

學某影評yter話齋，一個故事嘅event舖排係應該要考慮佢嘅up/down平衡
一個只有up嘅故事好容易變悶(除非D角色本身夠可愛)，一個只有down嘅故事會睇到人煩躁同抑鬱(除非你就係想寫個冇救贖嘅故事)，而你一路upupup果陣突然股災式直插，讀者其實係唔會跟到你個節奏
當然都有D玩得成功嘅例子，但通常佢地一係會響前面up緊果陣已經有一堆不穩嘅暗示(which HGS冇)，一係就係嚇壞觀眾之後正式進入黑暗時代(which HGS冇)
所以到底忽然爆血嘅用意響邊度?_?真係冇自然D嘅手段去講同一段故咩?_?

你問我嘅話就算budget有幾多都只會改變塊遮醜布有幾大塊，HGS故事上唔係最差果堆(因為太免洗)，但我唔明點解一個對OC有咁多年感情嘅原作者可以咁懶咁唔想講好個故事
今次咁啱得咁橋場外都大把野燒(Churchyroll攞大家課金錢去整自家卡通，preview teaser全段淨係介紹自己條team有幾inclusive etc)，加上製作品質又唔係特別過人，冇俾遮醜布distract嘅一般人自然會留意到埋個故事到底有幾免洗幾唔夠深度
我個人覺得會護航嘅fans一般都係對原作者D OC畀同情分，又或者係一見設定係免洗就下意識擺左落mid果格度close case，但完全冇為意到其實免洗都有分作者對自己仔仔女女有冇愛咁