今朝天陰陰冇太陽，影相麻麻地，但係起碼唔會曬，行起上嚟反而好舒服
我哋book咗下午2點先入去室內大倉庫，所以爭取時間走晒室外嘅場景 (結果最後都係爭青春之丘睇唔切，等睇完大倉庫出嚟先行返去搵貓男爵😂)
室外嘅園區我最鍾意係魔女之谷！主要有哈爾移動城堡同魔女宅急便兩套作品嘅場景
可以親身走入KIKI老家，麵包店，仲有可以入去移動城堡真係超夢幻🥹🥹🥹
所有場景都係神還原！不過入面唔俾影相，只能靠對眼好好記錄呢個moment

2點入大倉庫，個天先開始落雨，真係啱啱好，如果我哋仲喺室外先落雨真係會搞唔掂。
大倉庫入面嘅影相位超級多，好多都排隊排都癲，實在冇辦法所有都影晒😂
有好多場景神還原，有動畫原稿睇，真係太多嘢睇
仲有！有生之年終於上到貓巴士！入面真係毛神神好鬼正🥹🥹🥹🥹🥹
另外我覺得好緊要嘅係有得睇一套園區限定嘅短篇動畫，今日睇嗰套係コロの大さんぽ，故事簡單直接，大人細路都啱睇👍🏻

今日好多地方都走馬看花咁，其實仔細發堀會睇到啲場景好多細節好多details，不過現場人多加上時間有限真係盡量睇得到就睇，下次有機會真係想再入園！