不過呢d野我剩係同過你地講, 我阿媽知道的比你地仲少 (我講愈多, 佢就知我愈煩, 我唔想佢因為我煩而煩) 我剩係想比個好結果佢知, 不過真係好煩惱 (現實一句. 煩惱既來源不外乎兩種: 錢和時間)

我其中一個煩惱係定居問題, 我不知道應該先搵一個城市定居再搵工作, 定係先搵工作再定居? 假設我搵到份工, 係巴黎的, 叫我去面試, 來回火車要HKD 900; 如果1 take ok我緊冇問題, 但如果幾份工, 來自唔同城市, 我冇可能有咁多錢去見晒所有工......

相反來講, 如果先搵城市, 應該揀邊個? 像巴黎, 馬賽呢D大城市, 工作機會一定多D, 但競爭可能仲恐怖, 而且生活水平一定高 (尤其房租), 如果一直搵唔到工, 我可能一個月都挨唔到

呢個case只係我千絲萬縷既煩惱其中一個, 我仲有其他考慮, 都有因為衍生的各種煩惱... 不過正面D講句, 正因為有呢D煩惱, 我才覺得我既人生係活生生, 不過失敗左既話, 我受唔受得起打擊 ?