www.yingkee.hk/index.php...
想問一下呢o的系列有咩分別?? 係咪W數越大越好?

呢d我記得佢好似得16級power較...
即係1/1去到 16/1 冇咩位可以fine tune加減
不過呢d就平d~~應該二千左右就買到
w數越大即係輸出越大 同你屋企買光管個w數一樣道理 我記得400w得唔用modifier做到2米f16? 冇記錯既話

因為我都用400w既...其實400w有時都多得濟 睇你點用啫
仲有一樣要提一提....都幾重下嫁

唔...我都唔太清楚有咩好既外拍燈靚野, 有時睇O的攝影雜誌有好多燈既介紹, O個O的得唔得??

所謂既造型燈(35w)只係隻燈既w數對嗎? 我見到有o的都要3千幾起跳, 其實我唔介意俾多點錢買拎野, 重就預左, 要影得好無所謂~~

係呀...個烏絲燈個W數
不過其實係師兄買之前....
提下師兄自己D影相風格
純粹講下咋~~ 我知道自己鐘意玩燈既 我自己屋企都有5支閃+支外拍燈 遲D買埋600就7支閃 唔係話買左燈就一定會影得好 只不過當影得耐就會知道自己D相爭D咩

我明白的師兄, 我都唔想只係買器材技術原地踏步, 所以我會好好諗清楚先買, 唔該哂師兄!!

換個角度講....應該係器材揀你而唔係你揀器材
其實我估師兄應該影得唔係好耐....
可能唔清楚個方向
所以我擔心師兄啫

岩既...我其實幫真正開始影相都係1年前左右, 我自己係想多影一點人像同動物, 其次為貓, 我自己本身有諗過去正式拜師, 諗下諗下都係試下自己買書學, 咁呢一年我自己覺得技術有進步, 但唔多.......

唔好意思, 其次為風景

拜師....應該去拜個D名攝就ok啦
自問唔識講野 唔識event滿場飛周圍搭訕識人
其實重點真係識多d人....唔識人真係講咩都冇用
大家努力勾搭啦

OHOH....師兄有冇興趣CW一起去交流+勾摳搭一下?? 我都好鐘意周圍去勾搭攝/COSER, 雖然成日人請食閉門羹

你呢個提議唔錯
但係....我性格唔係d咁既人
我份人堅怕醜...所以靠你啦師兄
識得多人到時唔好唔記得我就得啦

一齊啦.....我都係周圍傾下識下人, 不過O的COSER戒心幾大, 情況最好都係搵COSER搭COSER咁識會好點, 唔係多數COSER唔理你

希望CW無台風, 唔係講乜都無用.....