第一章 發生咩事？！
二零一二年三月十八日，對一般人來說，是一個平凡的日子，但是對於我來講，是一個痴線的日子。。。。
「媽的。又要返工啦」。我叫菲力，一個平凡人。冇一六零的高度，根據討論區對我呢種人既定義，係一個典型的「毒男」。當然地，我仲未「毒」到冇野做。和好多人一樣，我好很非常極之痛恨返工。

「衰仔，仲唔起身返工，我旨意你養我架，你係唔係想幾廿歲都要我養番你先？」我老母大清早就開咪演講。內容，當然係依依哦哦我呢個衰仔番工啦。你地咪以為佢真係咁勢利，其實佢不嬲都成日同我講笑，我地母子感情其實好好。
通常呢樣咁既開場白，十個有十個都以為我係響一個單親家庭長大。但事實又好好彩，我有老豆架，不過佢朝朝都晨咁早去左番工，我老母成日同的呻我地兩母子相依為命。。。在早上。

「媽，知啦，我起身架啦」說完呢句說話之後，我打左個突！點解我會咁講野既？平時通常我既對答係「媽，快快換過個有錢老豆，等我可以訓多陣唔駛返工」又或者「得啦，哦姐，知啦，咪哦啦，再哦你真係變商天蛾架啦」等等呢 D 「回贈」既說話。但今日我冇，我覺得好奇怪。

之後更奇妙既事情發生了。我發覺我想再補番句野串我老母既時侯，個口居然唔郁！個陣個感覺好似肚痛去唔到廁所咁。我係咁想講野，個口死都唔郁，我個一刻以為我發緊夢，想合埋眼再訓啦，但係。。。我之後發覺，我控制唔到我成個人！

冇錯個人係做緊起床既動作。但係唔係我話事，好似有人幫我控制左我身體咁。我姑且用「佢」黎形容我自己。佢起身之後，第一件事唔係去廁所，而係打開左我銀包，欏左我張身份証出來睇，之後佢口Up Up 講左一句：「菲力，1983年10月10日出世，我既新身份。嘿」個一刻，我呆左。

Plurk 出唔哂咁多字 ~_~

係ga