香港聖約翰救傷隊,揹得起"聖約翰救傷隊"呢個排頭嗎?
知醜麻?

真係好想比班英國佬知道家陣香港st.john變成乜野樣。
變得幾咁不知所謂。

就算係輔助部隊,我都認為應該盡力同正規部隊能力追上並睇齊,只能"合理地欠缺經驗",但依家情況係,資源錯配,變左去搞比賽,換新制服(但又唔係優化制服),救護車平日就只用得3架(總數12架),

救護技能就被無限神化,應該普及嘅EMT-1(即係同現役救護員EMA-1同級,但都係最初級)居然要求隊員有5年隊內資歷,仲要上兩個同EMT-1內容重疊嘅課程,令到大部份隊員只有初級急救技能,提供極有限服務比市民。

一大班義工已經唔收糧水,但錢就變上面係咁亂用,更加有隊員心態完全奴化,平日去搞步操,返睇本急救手冊千次萬次,就係唔向上提升,了解下正確救護做法以及救護車指引,
居然出現輔助部隊救傷員濫用救護車嘅情況,簡直就係笑話。

聖約翰救傷隊隊員,以往"義務,專業"嘅形象,可以保持到幾耐,又可以呃到市民幾耐呢?我真係好希望可以爆大鑊。

想當年,聖約翰救傷隊隊員嘅技能,真係同正規救護員技能睇齊,全因為當時救護技能世界上未有明顯進步,相對變得容易追到,但一去到正規救護員開始與國際接軌(引入EMA1及EMA2制度,EMA2被法律授權使用藥物),聖約翰救傷隊只係慢慢地引入EMT1,但又去唔到EMT2(即係聖約翰救傷員係唔可以用藥)。
追得少少交下功課就算。擁有EMT1資格嘅隊員,有冇全團隊一半人數,而真係會落場做嘅隊員,全香港有冇100個呢?我深信冇。

好亂,因為內政就係咁亂,我文筆又差,有興趣知多啲,即管問啦。

但我都係唔介意唔收取一分一毫為市民服務,做得唔多,但做得幾多得幾多

Btw,講多樣有趣野,隊員係緊急情況做野,為左方便除帽,好正常丫?但會有啲技能低劣但係紀律高超嘅老屎忽同級(記住係同級,並唔係高級過任何人)行埋黎屌你冇帽,死未?
點解話佢技能低劣?因為真係出事,佢地只會識得叫救護車,係唔識做任何野嘅,連輔助工作都做唔到,都唔知留係到做乜。

如果只係洗傷口就滿足到自己,認為自己好巴芝閉,不如改名做"聖約翰洗傷口隊",
但我一定會除左件制服,洗下傷口都敢膽同出面也文也武,對唔對得住日夜為市民勞動冇得停冇怨言嘅師兄師傅?

奴化,自滿嘅老屎忽一日比一日多,忘記自己應該做嘅野,只係打算要威,同埋有人做佢威嘅踏腳石,真係令人越黎越灰,我自己還好,但對後來嘅新人,真係莫大嘅阻礙。

如果可以,麻煩按個轉,傳開去!

麻煩晒幫手轉嘅朋友!

我都覺得歪風不可長，現在社福界自從工商管理文化帶入後都開始有相類的歪風，現在社工都似只蹲在辦工室文職多於有時間真正統籌協助，變成只為數字而做，都挺可悲的。

我一定會係入面死頂到改變咁多種歪風為止。