一睇好爽 三十萬字 睇左成日 係幾爽 令人回想起中二沙士果陣係屋企煲dh文既日子

今次係睇呢個相伴而生 www.jjwxc.net/onebook.ph... 配對係佛地魔/哈利 比著以前我一定唔會睇哈利受既文 但所謂歲月催人老 其實佢係上面定下面我已經唔再關心= =

呢篇文個主調就係甜甜甜 甜到漏 基本上開虐既次數係少至零 最多係2公婆鬥鬥氣 再唔係就"好想告訴你"果D誤會對方心意既戲碼 然後一萬字內就好返咁 基本上故事中段已經確定心意 之後果D就係: 放閃, 肉, 幫故入面D配角配對

成篇文最有感覺係故事好頭 哈利殺左拐子佬 望住o咀既佛地魔好自然咁話:"壞人就係要殺架啦" 完全冇半點掙扎既天然黑 令我好想睇埋落去 期待另一個魔王係呢個故入面橫空出世 然後用上各種心狠手辣既技倆同佛地魔共創霸業...etc 當然係一篇全程非常和平+放閃既甜故入面係唔會有呢D情節 不過都好 開年唔係好想睇黑/虐既文 成篇文既氣氛我非常鍾意

但在voldemort看来，这种性格是很不正常的，这个世界并不是只有黑白两色，太过纯粹所带来的结果，往往是毁灭，不是自身，就是整个世界。 <--一開頭擺底句咁既野 令人有不少暇想 可惜可惜...

講下D唔係咁滿足既地方啦 除左上面post果句野之外 佛地魔仲同哈利許下改革魔法界既豪情壯語 都令人期待之後既發展 一開頭又有玩下校園政治咁 都睇得幾過癮 可惜自從開始配其他cp開始就冇mud點提呢D野 個結局最離譜 明明仲話讀緊F7 返到自己屋企連續啪啪啪左3篇之後 就用50字話佛地魔做公務員 哈利教書 魔法界開始改革 完! 有冇搞錯 最想睇果D草草收尾really sad

即係你同班巫師講解科技既力量幾勁 之後下一步會點 冇啦 完! 真係好失望 不過其實同篇賣cp既甜文認真 最後只會認真就輸了 始終人地個重點係放閃 而呢點作者係做得好足好好既 真係睇完會覺得sweet 開心

肉既質素就唔評論啦 基本上所有h scene我都skip左唔睇了orz

而其他配對都幾有趣 全部都係蛇院同獅院既配對黎

最後講下作者 我估佢應該同我差唔多大 D同人文唔係hp就係網王 仲有竟然有原著疑似爛尾既"今日開始做魔王"同人 真係睇下D人物名已經聞到自己當年青春既味道="=

逝去感情如何留得住