我計過我而家返part-time日日一至五咁返，但係都係得5千幾，咁點解唔搵份fulltime係返一至五既

尼份返工時間又唔好就 普通搵返啲打字員，朝九晚六咁，起碼都有七八千掛我諗

岩岩先同我事頭講左六月起一至五都返到，我太大意了(?)

其實只要返埋星期六做fulltime就有8500，同我返一至五，都相差成二千幾，好似有啲唔化算咁 但係我真係唔想星期六都要返工，同埋可以換黎自由請假

其實有時都好辛苦好煩，我覺得自己唔算係啲成日玩唔做野既人，由仲考緊dse果陣，我已經開始搵工，五月中都已經返工，到之後即使功課多，我都係會keep住返工同keep住搵工，試過同一時間返三四份part-time，我覺得即刻返學有幾忙都係要返下工幫補下既。到而家我都一日咁返工，雖然話係返part-time姐，但係返到成個fulltime咁啦

喂我無唔為自己着想喎，我只係想玩埋尼個暑假姐，我都唔係話日日玩果隻啦，我只係想有人約或者有時想約人玩過時可以請假方便啲姐，我都只係有需要先請假，其他時間都返工啦

真係我屋企人都無比壓力我，好少問我之後打算點，但反而你就日日都講，日日都話我，得啦知你而家就已返ft好識諗喇，我唔想返shift果份工，其實都只係想你放假時我都一定可以放到假姐，返shift既話真係大家一齊同一日放假既機會係零，我又唔係話以後都會係咁，我都講話如果到九月我唔再讀既話，我都實會搵返份ft，即使係返shift都ok