留言入面，好多人話拍片者洗小朋友腦，好唔應該。但與其話話拍片者洗小朋友腦，不如問下第日生啲小朋友出來，有冇機會比人洗到佢腦先啦。

幾年前嘅國教雖然開唔成新科，但依家小朋友嘅教材已經赤化，開電腦睇下cctvb星期六日嘅小朋友問答節目，就會發現依家啲小朋友答嘅問題可以好赤，鍾意熊貓嘅理由唔係因為熊貓好可愛等等發自童心嘅說話，而係因為熊貓係國寶。
如果香港再咁落去，就算真係想洗小朋友腦，都唔輪到你同我，佢地喺學校已洗到變成紅色 。

支持，可以係用你嘅手share，令更多沉睡者知道事實（唔係扮瞓嗰啲，知道事實而唔想改嗰啲同佢講到斷氣都冇用）。
用你嘅心，去感染其他人，
用你嘅口，話比更多人知，叫醒其他人。
佔唔佔，企唔企出來，係其次，重要係一個人點諗，我地需要改！香港唔可以再咁落去㗎！
唔好唔記得，你對手，仲可以用來投票，唔好再投比建製派啲傻豬啦唔該。