問題A:
我想買部相機學影相，你覺得買CANON 定NIKON 好? 聽講NIKON 影景靚D，CANON 影人會白裡透紅，係咪真係架，你覺得邊隻牌子好D?

答:
嗯......我身邊好多朋友用NIKON影人都像都好靚，同樣地我見用CANON 影風景都靚，致於係咪白裡透紅我真係感受唔到，我D朋友D相都調過色，通常我見到白裡透紅既都係打燈打到個人變發光體先感受到。 咩牌子影咩都無所謂啦，最緊要係睇你自己點用。

問題B
承上題 : 咁你用咩機架? 原因呢?
答 : 我用SONY，當初買SONY因為平同無人用。

問題C :
我想入支定焦鏡用來影人像，你有無邊支介紹? 聽人地講85MM既大光圈鏡係人像鏡係咪架?

答:
無話邊支鏡係專門影人像，我平時係用廣角鏡影，你問我我只會答你視乎你咩場合用多?

問題D:
點解部機成日影唔到我想要既光暗，成日好似用得唔順心咁?
答: (看看相機設定) 朋友你用緊P Mode ..............

問題E:
點解我已經用緊紅圈/金圈，明明已然中焦點，點解我覺得影出黎好似唔夠SHARP?

答:
你要下下數毛既，其實直接買支微距鏡去影就夠，又或者下下落閃影，一定條條毛都數到，一定SHARP到無朋友，高階鏡價值唔淨係在於銳利度，仲有其他方面既表現，不過你感唔感到又係另一個問題。

問題F:
點解我用已經係用單反+大光圈鏡頭，但點解我覺得影出黎既相都係無人地D咁靚?

答:
器材唔包送靚相，一張相影唔影得靚除了有懶器材既運用，後期既製作，最重要還是個人美學既修為，看事物既角度等等.....嗯.....你有時間都係返去睇多D有關美術既書或者地D相。

呀餅有個更中肯既答案係 ::::
隔離飯香XDXDXD

打燈打到個人變發光體... (我都想咁様

餅神又突破華點了

下下數毛!!!XDDDDDDDD