上個月我係葵芳警署經過嘅時候發現一個郵差好似村田充，結果隔左一段時間有個朋友都話見到,佢都話好似 個一刻我好興奮好興奮,結果個日放左學係郵局等

明日復明日我日日都放學係郵局到等,有扮等人扮聽電話,其實已經比人懷疑我,覺得我心謀不軌 比啲人用不好嘅眼光望住我 等等下就一個月

然後小伙伴提議叫我係佢地番前等伏佢地 所以前日星期三朝早去等,但係我瞓左係沙發,去到個時係2點幾等等等到差唔多7點 其實冇6個鐘 我計錯左 其間我好累 不斷想走 紅雨啊大佬！！ 直到最後我去左問個啱啱放工嘅姐姐

真係勁唔好意思咁問佢 然後喊住同個姐姐講我等左個郵差一個月 個姐姐都好好心咁打電話幫我問 結果係我等錯地方,派遞所同郵局嘅郵差係唔同野黎！ 佢幫我問左最易撞到嘅時間係朝早7-8點 所以我叫左小親友6點叫我起身去等

星期四 我到左個到等 啲人嘅眼光真係 唉 我等到10點 都冇wwww無啦啦有個啊叔跟住我然後話 你係邊到番工 哇頂 嚇死我 我懷疑佢個人有問題 因為頭先個阿伯睥住佢或者佢當我係雞

望住自已其實真係好抵死
然後就等到1點番學 之前放學又去過
親友超有膽 佢直接拖我上去問
但係啲郵差阿叔又幾nice話咩係咪追風流債w同話依到都有啲未結婚叫我簡幾件www話我地好大膽 然後再同我地講去麗瑤快郵個邊揾

今日星期五 放學12點半 因為我真係唔識搭車 我係葵芳行上麗瑤 好怕羞好驚咁行左去個到 然後個伯伯話冇 但係油塘有個長髮及肩中分嘅
決定可能去揾

...我睇完都好想喊 完全感受到... 加油啊kao

hameimeimei: 竟然睇晒！ 我會加油 但係真係人海茫茫 好想放棄 好想好想

kaorih0: 嗱人海茫茫就一定架喇、但我覺得咁堅持搵一定會搵到嘅 都堅持左咁耐點可以就咁話放棄!!!btw真係比妳搵到妳想做D咩

hameimeimei: 喊住蹼埋去 比情信同拎電話

我覺得你好勇敢（？

好佩服你www吾好放棄 等我放學番葵芳經過又望下先

tanakayata 我其實好細膽 小巴有落都唔敢叫個啲黎

kaiii730: 望望望！！ 中分頭髮及肩 放工可能會札小辮www

我番油塘果陣望下

holiccc: 望到要通知我

加油啊啊啊啊

希望佢唔會嚇親

好少女漫 你一定要搵到佢

celia0: 揾到佢識埋就真係少女漫！！！我會盡力