餅神前排話我係佢見過咁多COSER攝入面對影相最有熱誠那個。 其實我認我係，我對每樣興趣都好認真同全程投入，未接觸相機之前我係個航空迷，當年係課餘時間我就不斷去爬文睇唔同飛機既資料，飛行理論同歷史等等。最高峰既時間我個HDD 淨係同模擬飛行或者航空學有關既資料有成過百GB，依個興趣當年嚴重到影響學業先慢慢放低，然後因為一些因緣際會愛上了攝影入左依個圈做攝~!
咁究竟除了影相我係咪真係一無所有? 我唔知，亦不重要，人生在不同皆段會有自己要走的路，今日放下了這個，他朝總會遇上其他令自己再次專注或者追求既事情。正如我當年放下飛機，攞起了相機，我都估唔到會有今日，與遇上了各位。每個人的選擇也不同。 最重要是你享受現在，活在當下。(雖然是老生常談)
玩得唔開心，覺得已經熱誠不再，也請不要介意地慢慢放下，他朝你依然會遇上其他可能更有趣的人和事，令人生再加添多一點點綴。
