一，我慣左帶其他外幣都係另外一個銀包，今天我執左張學生證（諗住高鐵可以買學生票），結果唔記得左帶八達通。

二，驚電話唔見所以帶左部舊機，但係唔記得裝返D app，有wtsapp但唔同電話no.(因為唔同卡)

三，買個M記做早餐，俾左一百但找返五毫……唔夠瞓到毫無反應。搭架巴士衝上又一城發現冇八達通，東鐵買票先發現唔夠錢。（……）
PS，M記冇賠返程車錢俾我，好嬲

四，諗住廣州火車站去ONLY場近過廣州東過去，點知N班長途一齊到站，塞撚左半個鐘出站，又排左三個字買地鐵票。

五，好順利咁勾搭左個廣州小妹妹。真‧十七歲果D。好可愛啊而且識講粵語（。）

六，見到有小哥coser（女）出到露點，見到有黑瞎瞎公主抱花爺（……），見到meiyou好想去告白又唔敢……

七，點眾網睇左好耐都唔知食也lunch好，諗住係廣州東隔離個站行下（因為係大站，據說好多文青cafe可以hea下）結果太大所以只有連鎖食店……浪費左半個鐘

乜你唔係真．十七歲咩。

八，又行左一個站。見到有間川菜好多人排隊。我入左去食。紅燒牛同口水雞D麻辣味都一樣咁，但係呢……佢地有樣叫冒菜，辣辣地又有D酸芽菜浸係下面，好好食。同埋D自釀水果酒，好！好！飲！呀！如果下次去廣州我會再吃

好靚既楊梅酒，不過山楂酒好飲D

我本身叫左三菜一酒，後尾唔夠飲又加左一壺，然後我發現我隔離檯兩個女仔都係食左三個菜……

過黎未

九，覺得食個lunch就走又好浪費，所以順便去左睇大聖。而太理所當然以為仲有上映，結果最近一場係七點（我預九點完場可以坐三個鐘車返香港……）

十一，大聖個3D都幾好睇，學生票35我覺得超值，大聖個披風既3D立體過我見過既所有字幕。不過個故事係好弱，完全唔知想點。唔怪得唔可以俾inside out一齊上映……

十二，去買回程票，排排下隊時最後一班和諧號就已經完售。九廣都冇。去睇有冇大巴，俾個阿嬸拉住左話百五蚊一個去深圳。然後我又驚又想搭既時候有三個男人同路，都係要過關，我一聽就發現呢三個人同我以前D廚房佬同事一撚樣，有種安心感。總之阿嬸又話即走又冇車，最後我地坐的士直落黃崗。
坐坐下發現佢地都係做中港司機，一路吹水一路串隔壁D車“好似呢D廢柴開住80又霸住條高速”，的士司機全程踩住115唔敢放（。）好快就到左黃崗啦

十三，其實呢，旅行真係要好好plan。不過出左意外又唔係直係咁大問題（除左唔記得買票真係人柒既問題，我都食左餐好菜，睇左齣好戲，又返到香港）。雖然我知道附近就有七日，住一晚都OK既……不過呢，我發現，其時我身上又冇提款卡又冇信用卡，就算係夠住酒店但都幾危險……（。）