感謝大大無私的分享

逆轉6啊!!!!!!!!唔係大逆轉2!!!!!!用番成步堂剪影!!!!!!!!!!!!(雖然5都係)
好激動……個人直覺6代真係可以期待，畢竟驚訝君的故事在5已經可以叫告一段落 其實CAPCOM早D睇化咪好囉，逆轉呢個系列一世都唔可能離開成步堂………逆檢雖然都好成功，但某程度上逆檢既成功係同逆轉1-3既故事鋪陳有很大關係(沒有DL6又何來的逆檢ry)

而4代對成步堂既處理更加……有人鐘意有人唔鐘意，我個人意見係你要成步堂落難冇所謂但原因唔好因為要夾硬推個新主角出黎囉……4代好明顯就係CAPCOM因為江郎材盡諗唔到成步堂既後續，唯有要推新主角驚訝君出黎，但係又唔捨得(或者唔敢？)完全擺脫成步堂既故事背景而搞到佢冇律師做……咁既理由我真係接受唔到

其實4代除左成步堂冇律師做呢點，其他都唔錯嫁……如果驚訝君係一個完全擺脫左成步堂既故事背景之下出黎，其實我會好鐘意而且好歡迎。可惜CAPCOM一直唔肯放手(喂) 睇下5代驚訝君有幾杯具就知CAPCOM做得幾錯……5代基本上對驚訝君已經係完全(或者一半？)否定左佢主角既地位……到最後既最後企上法庭既結果都係成步堂……^q^ 連DLC既extra篇章都係先慘 而家再睇6，驚訝君基本上可以話已經做左炮灰……

講番6，其實作為逆轉系列死忠我真係成口不滿都係會死死氣發售果日就狗衝出去買(。) 不過真係好希望CAPCOM可以比番以前果種模式我……我真係好鐘意一場官司打3日QQ 比番3日偵探PART我好唔好(躺) 而家玩到大逆轉4章，我完全唔覺得自己玩緊逆轉……偵探PART短得黎仲要唔分日，單單官司都一日搞掂……冇左果種慢慢一步步發現真相果種懸疑感QQ 仲有可以入手既證據少得好可憐……我係果種鐘意幾版證據係手既人(望蘇る

大逆轉有樣野叫做好過5，就係某D場景可以自由調查番……不過自由度都係遠比逆轉1-3或逆檢1-2低。其實逆轉有趣既地方除左劇本，仲有好有個性既角色描寫都係一個好重要既點。而呢點真係一代比一代做得差。大逆轉更加可能因為舞台係20年代初英國，D人名難讀難記之外，人設仲要充滿左雷頓FEEL……玩過逆轉VS雷頓就會明 真係一D特色都冇呀 1-3代係差唔多10年前既事，但所有人物我都記得好清楚……反而大逆轉(躺

所以我而家希望6可以用番1-3既系統……其實我真係唔需要新野……唔需要咩多證人同時證言，唔需要陪審員系統，唔需要最終辯論。我只係想要番我熟悉既逆轉 仲有可唔可以出番真宵(躺) 又唔係死左做咩唔出得呢……連春美都出左係咪先ORZ