唉真係對個未來前景愈黎愈迷茫

今日放工走果時經過隔離鋪吹兩句水,然後我同佢地講話做埋下星期唔做,然後就比佢地捉左去傾左成粒幾鐘...

佢地係咁話我咁樣既諗法唔岩..其實我都唔知我想做啲咩,係唔知可以做得啲咩..

佢地又話返office如果就咁做個clerk又係無前途又無得升,但係我又唔係讀acc果啲又做唔到其他..

然後又話應該搵到先辭,鬼唔知呀媽係女人咩,但又要1個月通知,我又唔想好似hea住佢地,搵到工先走咁..

唉傾到隔離放工都未傾完，佢地仲叫埋我老細黎，我一直都叫唔好，話會好尷尬，但係佢地又話唔會，話我老細好好人，我心諗你地當朋友就梗係無野喇，我返工對住佢地比佢地屌到飛起你都唔知啦..然後佢地叫左我老細黎，其實佢地都話佢地唔方便比意見...真係尷尬到呢....聽日仲要返工架.....

唉而家勁頭痛...

講到咁都唔知係咪夾埋既…其實係為你好都唔會叫你留係到啦人工又少到咁，去出邊做茶記都收入隱定又高過佢地

btw其實關佢地叉事咩　雖然話可以聽多Ｄ長輩意見但真係廢既聽完味算囉　又要強加諗法係人地身上

其實佢地又無叫我繼續做尼份既，佢都知我pt實唔會做得長..聽得出佢地真係想幫我諗，但係我又廢，連自己都唔知自己想做啲咩，其他人都好難幫

係本身諗住想搵office工，但係聽佢地咁講完，升又無得升，人工又唔會加多，果一萬幾千又捱得幾耐...

但其實你office係諗住番長工？

會搵ft,返唔返得長就.....

其實我覺得可以番下先姐反正你衣家淨係諗到番office　一路番下一路諗要做咩ＸＤＤＤＤＤ

諗住試下office先，如果真係唔得就搵返教畫算

又教畫…

雖然我老細都話教畫尼一行，到老都仲有得做，但係而家尼個階段都只係一直會寄人籬下，亦都唔知做到幾時先會有自己個天地(?)，可能都無咁既可能....

無計啦 我做得啲咩姐 係係尼行叫做有丁屎經驗，應該會易搵啲

係做到老都有得做，但係肯定都唔會係佢到做成世 又無得升，人工又唔會點加..所以有本事就學佢咁開舖，自己打自己工!前題係有本事

好灰啊

唉

今日終於拎返之前返工畫既返屋企， 斷斷續續無野做先比我地畫，都畫左好幾個月..9月果時仲話出去搵人學畫，或者自己係屋企畫下，草下portfo，但到最後又係乜都無做過，canvas就買左兩張係到喇，但係淨係返工果時先畫左幅，明明果都幾大決心要去畫下，唉咁就又哂左幾個月..