自己學樂器既開始:
係小一既時候啊媽叫我係運動或者音樂揀一樣學
因為小學學校要求每個學生都要揀一樣體藝 所以就唔知點解揀左violin

成個小學就淨係比左小提琴 因為自己好好好好好好懶 所以比起其他拉得好勁既人 我係渣琴技 自然都冇出去玩樂團

好彩小學推音樂好不遺餘力 雖然唔係乜乜乜名校 都叫每年有玩校際音樂節 小四個年仲出左去新加坡交流 但我當年只得5級 已經拉緊d好難既歌 我覺得自己係得架果時 但又鼓唔走勇氣去出面玩樂團 於是就愈學愈冇心機 變左淨係考級既人

上到中學 因為唔想浪費6年學琴光陰(?) 於是就join左中學樂團 一開始好睇唔起中學orch 因為真係好差 然而我f1果年既orch係最好既一年 於是我就愈黎愈hea 琴都係靠每個禮拜上堂先拉下 完全冇上進心

f1個時老師叫我去考6級 我諗佢應該係睇得出我冇心學 都唔比我考7級果d 咁我都冇乜心機啦 咪應承左考 我冇心機到連樂理都冇心機考 fail左3次 諗起都覺得浪費錢又浪費時間

啊媽睇唔過眼叫我不如去學個鋼琴 可能會對樂理有幫助 其實我就覺得冇既 但是但啦就學左一年

之後一年後pass左樂理 我就同鋼琴老師講唔學啦 咁啱我果幾個月練緊2級歌 佢就話反正鋼琴唔洗請伴奏 我又練緊小提琴6級 咁不如考左佢啦 我咁又hea hea下順便考左個2級鋼琴

我覺得自己2級考112應該係創舉 因為我6級小提琴都有116 唔洗諗都知有幾hea

btw f1入去個年 有個同我升左上同一間中學既小同 佢clarinet好勁 我見中學有得學 我又想學吹野 於是我又開始埋吹clarinet既日子

clarinet就真係好有挑戰性 所以我有一段時間唔記得自己major violin clarinet真係我唯一冇後悔學既野 雖然而家我已經冇吹 但都記得好清楚

去到f2 考完6級 我覺得自己應該要認真讀書 所以就同啊媽講唔學啦 就放棄左學左8年既琴

f3全年我都覺得好輕鬆 然而我成績都係冇進步 就咁hea下hea咁繼續玩學校orch 我又冇諗過quit

上到f4 我開始同高form熟 叫做係orch入面係committee 遇到幾個對音樂叫做有少少熱誠既人 我又開始後悔點解自己放棄左violin

f4果年有個師姐叫我地幫佢手拉乜乜乜soc個d茶會 我同二個violin 一個cello人form左個quartet
of course level淨係容許我地玩canon in D 但我第一次好認真同人夾琴 會介意自己錯音 會介意自己拉唔到 呢年已經係我第十個年頭接觸音樂

就係我不甘自己得6級 (係 又係級數既問題) 再加上OLE果d垃圾system 我又走去學番琴 8級就係目標

然而一切已經太遲 我覺得自己已經追唔上同期又冇放棄既人 我又開始hea學(茶。

考級又變左我hea既理由 我又冇搵其他歌玩 真係想一槍打死以前既自己

最後最後我就係中學orch玩左6年 做左個vice f6考左個8級violin f5考左個5級clarinet

開始考日文DSE之後就放棄哂所有音樂野 成年都冇掂過

上到黎asso 我一開始當然覺得asso仔要讀書為主 玩乜鬼樂團啊 自己又拉得渣 直到遇上一個而家一齊玩同一個團既groupmate

佢係神人 我呢d渣渣真係冇野可以講 但我係巧合下見到hkdp個page 之後見到我groupmate個名

就咁我膽粗粗咁走左去同佢傾計 佢叫我入去試下

我係入面試到好多好多神人 學霸琴霸乜都有 而家好開心可以識到唔同年齡層既人 大家出身都唔同 要問乜就問到乜 仲識左幾個on9仔 有人帶我地買譜練 又有人傾音樂 我覺得自己都仲係井底之蛙 但都叫做又開始番玩音樂
<----- 今ここ

希望我幾年之後望番呢個post 我會感受到自己既成長 起碼而家既目標係唔會拖人地後腿((

---END---