真是講到我的心坎裡

最後今次ひとりの旅真係去左剪頭髮

其實前一晚猶豫左好耐 本身都係決定唔剪 因為真係好淆 一黎唔太識用日文講 二黎我好驚剪頭髮 因爲次次係香港剪都冇一啲好回憶

誰知道 第二日已經唔知行邊好 （我自己一個行個陣步速係超快） 但晚上又約左人食飯 所以唔想去太遠.....結果就走左去預約剪髮

佢好似有得指名髮型師 但我好似咩都冇理就咁預約左 所以冇簡到

我簡左池袋某間 用左10分鐘行去 上到去 係個哥哥接待我 佢比份野我填個人資料個啲 我填左香港地址 佢見到之後好似欲言又止咁_3 我估應該冇咩外國人會咁得閒去剪頭髮

佢叫我坐一陣先 但之後個接待哥哥又行埋黎話佢係幫我剪頭髮既亮太 多多指教咁 （大概係咁上下

仲以為個哥哥只係接待 因為見佢又處理啲booking 又負責聽電話咁 點知佢都係髮型師...後尾先知原來佢仲係副店長

根住佢問我點剪 我淨係指個長度同佢講この長さくらい （我根本唔識講其他 ）

之後佢同我講左一埋日文 應該係講緊頭髮受損程度 同厚度之類？聽得明一啲又聽唔明一啲 加上有人吹緊頭超嘈 最後佢問左我一句どうしますか我完全o左咀

因為我根本唔知佢問我咩...

我同佢講我只係識講小小日文...佢又重複岩岩個啲野 又問我どうしますか........我是但答左佢大丈夫 但我其實完全唔知佢講咩

之後佢就幫我洗頭先 張櫈係自動 勁似睇牙醫個張 一訓底佢就拎張紙巾舖落我塊面到 勁似個啲屍體拎白布蓋住 不過洗頭咩都睇唔到都幾好 有時係香港剪髮洗頭個陣都唔知望邊好

=訓教先聽日仲要返早 聽日再打=

哥哥心諗專登黎日本剪髮??!

繼續先 最後其實我去到只係講左この長さぐらい同大丈夫 就已經剪到頭髮

剪完佢仲幫我做埋型

留名 [喂
之前見有朋友去日本旅行剪髮~ 話好似唔錯又ok抵...
所以有諗過再去的話到時試唔試

本身係咁

走個陣係咁

洗完頭係咁

其實我幾中意而加個髮型 短左好多 好清爽

至少唔似得香港咁伏

同埋個髮型師係所有野都包辦哂 洗頭吹頭同剪都係一個人做哂 又唔會要人等好耐

最後買單2000yen 所以係幾正

2000yen真心抵!!!

tsuki696: 都可以試下架！ 聽講佢地染髮 電髮個啲可以用2個鐘左右搞掂

我見朋友好似話染髮 電髮都唔算好貴~ 仲好似抵過香港
見你講完... 真係覺得點都要去試一次~~~
雖然... 我都係識講小小日文...

tsuki696: 我個間好似係5000yen左右 真係平過香港好多 我諗其實都唔洗講太多日文 比張圖佢睇應該仲方便快捷

平過香港之外... 仲要應該好服務態度過香港
最少張櫈先進點... 之後又唔洗點等先... [巴