而且今場唱左好多上次佢冇唱但我又好想聽嘅歌!!!!!!! der morgen danach 同 ich bin der brennende komet!!!!! 然後佢encore左3次, 勁high!!!

不過我覺得一開始音響好似大聲過tilo好多, 佢第一首唱嘅schakal聽得唔係好清楚, 我好鍾意的說>< 然後今場嘅die unbekannte farbe演繹有d唔同, 臨尾激動左好多, 我都幾鍾意~~ 不過一開始唱個時冇啦啦我個大陸電話係度震, 搞到我開頭專心唔到, 後尾睇返仲要係冇顯示號碼嘅電話打黎, 有d嬲, 喱首係我好鍾意嘅慢歌!!! ><

然後我今次係去深圳睇, 同之前睇nightwish嘅係同一度, 但今次班fans好明顯比之前睇nightwish時d人有質素, 我前面個女仔仲要同我講唔好意思, 問係咪踩到我, 後面嘅人係聽歌時又冇刻意想逼上黎, 不過最後鼓手扔鼓棍扔正我前面冇幾遠然後唔知點樣去到我頭上面搶, 我個頭係禁比人禁住, 好彩出得返黎

然後今場tilo真係勁high, 行左去台前面幾次, 又同fans握手, 我已經企到好近, 但都係差少少先握到><

希望佢黎緊新碟tour可以黎返香港, 禁我就唔洗特登上深圳, 或者我可以聽2場~ =P 不過今場380人仔真係超值!!!!!

話說今日tilo post左佢係深圳場台上面影落黎嘅fans大合照, 我見到自己!!! 雖說得上半邊面同右手 不過感覺真係既興奮又微妙