話說我真係估佢唔到一開場就黎circle pit, 我同朋友就禁一開場就失散左 我地2個本身冇諗住入pit, 開場前特登企過d, 冇企禁中間, 只能說佢地號召力真係勁, 音樂一響起, 傑佬話要circle pit, 佢地就黎

我係第1次入pit, 仲要係冇心理準備下被捲入pit, 然後撞下撞下我被帶到去一個靚位 基於係好中間同好前嘅位, 我相信周圍都係死忠fans, 氣氛真係好到爆, 不過唯一係大家都向前逼, 令我要支撐自己企穩有d吃力, 然後我要跳都唔夠位, 身貼身禁

好啦講返正題, 佢地唱曬佢地所有嘅歌, 超正!!!!!! 仲要麥花臣嘅音響真係好過9展個d好多!!!!! 佢地都勁賣力, 真係由開場high到完場, 完完全全冇冷場!!!!!

唔知係咪我之前去嘅live大部分都係symphonic/gothic metal個類, 冇禁激烈, 哩場真係fing得最high同最攰嘅live, 同埋之前雖然都係festival度睇過1次佢地live, 但個次太短, 感覺冇禁盡興

仲有不得不說佢地嘅造型同backdrop都好靚, 雖則我投入時係眯埋眼fing, 應該都miss左唔少靚畫面>< 我仲要唔知有人插水傳到我上面...我一開眼嚇一嚇伸唔切手上去托, 好彩身邊d人及時幫手

中間佢地講到自己用左7年時間先企到黎麥花臣, 叫大家有夢唔好放棄, 多謝大家繼續支持本地樂隊, 說真的, 真係好欣賞佢地, 亦都感受到佢地哩一刻嘅得來不易, 真係有d感動

最後走嘅時候太攰, 買野條隊太多人, 我冇排到買碟, 好想hmv快d上架, 好想聽返佢地之前冇公開過個首新歌, live聽得一次唔夠喉><