個人淺見，唔覺得中國而家有閒情逸致理香港，而家內地關注既都係華為點樣自救/同美商打輿論戰/關稅戰。
林鄭奶共想留名共史，自把自為，當香港人係白痴（雖然我都認香港人咁既處境真係好恰。咁鬼軟弱，唔恰你恰邊個？）

不過！香港人呀！！我地一直都低估左自己。
呢一年留學認識好多外國既朋友，每次講到我對香港有咩感想，我都係支吾以對，心情極之複雜。覺得香港冇未來，香港人好自私，對身邊既事物莫不關心，冇大志，冇同理心。同時我又好明白所有既表象，都係源於物價飛漲的生活壓力同被共產黨接管既絕望。
我被台灣人團結熱血震懾，好羨慕可以對本土有咁強大的民族aka公民意識。香港人呢？同中國有巨大的文化鴻溝，唔願意被歸類做chinese. 英國早就撒手不管，但仍有人認日不落做祖宗，只為逃避中共。但事實上，香港就係孤兒仔。中國大陸一個咁講關係既地方，永遠都唔會當我地係自己人。佢地唔信香港，我地更唔會信共產黨。香港人軟弱自私，雨傘後我一直好灰心，認為被統治只係時間的問題。直到，琴日的遊行，見到老中青B四代一同上街，先發現社會原來被傳媒分化得咁嚴重。

可能麻木太久，驚訝發現外國朋友見到好多我見唔到的香港美麗的另一面。佢地喜歡香港的東西文化融合，高密度的城市產生更多的思想碰撞，極為便利的交通基建，香港人國際化既思想，聰明同彈性。我好希望自己仲可以以香港人為榮，好希望見到香港繁榮。香港係孤兒仔，我地都係孤兒仔。我地去到世界邊一到落地生根都好，我地都係香港人。

無辦法預計未來會變成點，但我只係知道，香港人要團結，唔可以放棄自己既權利。我相信好多人心入面都有團火，都有熱愛本土的心。呢幾晚真係好關鍵，相信只要人多，就可以互相保護。警察要拉都拉唔到一百萬人吧？一齊相信，一齊撐下去。

Update your browser to use Google Drive - Google Dri...
轉
同一班巴絲打做左各種文宣材料
唔知可以做乜既你，有時間有錢有力既自己去印黎派，傳到多一個人認識就多一份力量
主要係令中立果班人知道會影響切身利益

派果陣記得唔好單獨行動，唔好影相打卡
be water my fd
（share果時記得check下會唔會冇左我段字)