好耐冇寫噗，向樹窿叫下先

我妹係非常唔鍾意大陸既，但近日既示威令港鐵飛站、港鐵不合作運動、罷工等等，令佢無法順利返工，就開始鬧示威者，講「快d派解放軍落黎整死晒班廢青」咁既說話

而頭先家人講起近來既事件，佢大大聲話「冇架喇，今年唔使旨意有雙糧呀」
我隨口講「我本來都冇雙糧」
我妹就發癲「就係你呢d冇雙糧既人搞搞震，搞到我地冇雙糧！真係自私！」

嘩！呢句說話真係好恐怖！本來我妹平時講野都唔係特別有禮貌(我爸形容為刁蠻女)，但咁既說話都講得出，究竟佢既良知去左邊？為大是大非出黎表達意見既就係自私，咁你為左自己份雙糧又幾無私呀？
同埋令佢冇雙糧既唔係我，源頭係政府呀！