先旨聲明，對於童年或者青少年期間嘅事我唔記得好多，但比較有記憶點嘅都係一啲唔好嘅嘢…唔係話兩老（其實主要係老母，廢老基本從來無教過囡亦無同囡玩過，除咗考唔好學唔識時發老脾同打你）無對你好過，都有take落街打吓羽毛球之類 然而本人運動白痴因此如同受難，不過只限好細個唔臨近重要考試（呈分試、升中等）嗰幾年

一到考試臨近嗰一、兩年就會完全開turbo chur你去做題…

然後唔知好彩定唔好彩啦，我小五老母開始去返工，於是無人再喺屋企篤實我瘋狂操練。基於本人老早被chur到討厭讀書，無王管後即刻唔撚理，有人喺度做做樣就算，於是小五六兩年成績係狂跌的，但未至於跌到眼都突埋的程度嘅…
好似最差都仲係全級50名以內…唔係太記得應該咁上下

港女大我3年，即係直到中三前，佢都仍然深受兩老「萬般皆下品惟有讀書高」＋「最緊要考高分，唔考高分等於仆街、一世無出頭」嘅教育模式影響。中二、中三都大致定晒性…

唔講經濟環境，呢樣無得解決都唔怪得人，但想像吓假期（包括暑假等長假），除咗學校作業，老母例牌會起碼四科主科各買一本作業（甚至更多）要你做晒佢，總之就好撚多作業係咁做啦…

加埋你考試考高分都好，有錯題照樣畀人話，唔係第1唔係100分就話你not yet perfect、同差嘅人比無用，考得再差啲又會畀廢老因為同人比較時比唔上，覺得無面返到屋企打Q你 (默)

其他生活技能方面，好細個幼稚園固然之點都有涉及嘅（強調多次都係老母出力，廢老由細到大完全撤手唔理，至今有咩事仍然推落老母到話佢無用教唔好囡），但大概小二、三左右就唔會再著重，總之，做題、考好試，其他嘢唔洗理。
入廚房想幫手或者八卦吓煮菜無耐就會畀人踢返出去 (遠)

品德教育又係錯晒，好細個時真心我係個好天真誠實的小朋友XDDDD，擔屎唔偷食嗰種，後來同老母講得多，佢覺得我好蠢
然後教做人唔洗咁老實，會蝕底架～咁誠實做咩啫，以後唔準呀～
基本原話，佢真係咁教…
當然之後我就仆街過了

其他培養係零嘅，少量興趣書初小時仲會買吓，都大啲啲最緊要考試時，睇咩閑書呀要睇睇教科書參考書做作業啦！以家港女同我買親閑書都仲會畀老母話佢買書做乜，阻住晒睇書以外，例如學校有sponsor學樂器，嗰啲咩一生一樂器呢，當然係唔理的，講緊嘅唔係屋企無錢關係，而係你推而求其次去到話join牧童笛班，唔洗買過支笛佢都會話唔好，做咩晒時間，學呢啲嘢無用架，讀書啦

好撚記得老母中一直情叫我填張回條時tick有識得的樂器唔join，然後條橫線上邊寫牧童笛...............................................

所以學校SPONSOR到淨係要幾百蚊買樂器都好，我都係無學嘅，我淨係識小學音樂堂牧童笛…後來我自己唔忿氣，反正伸唔到手去咁遠先join番choir

小四時其實都有跑去自把自為join choir，但上咗一日老母就話我做咩join，無用架～唔好晒時間～你讀書好叻咩以家？你都唔係考第一（之類啦），退咗佢唔準繼續，於是乎礙於壓力+當時佢未返工仲畀人管到，我退咗

總之兩老從來都不違餘力將讀書以外的東西全數排除啦…
港女可能因為教佢嗰陣老母未有「經驗」，有畀佢小學CHOIR同上牧童笛班，到我時老母完全相信係無用，於是我連CHOIR同牧童笛班都無了

不過好彩小五起老母返工，早脫離魔爪過港女

回想以上各種，養到港女以家咁超級自私自利、完全唔理他人感受、我無錯的性格，讀咗間好大學以外無咩值得拎出手嘅地方，其實好正常好自然…有咩嘅教育就有咩嘅大人

佢仲要咁樣畀人養到中二

本人小五小六爆煲到上堂會同老師玩嘢(拍枱走人嗰種)，因為so-called乖學生突然性情大變嚇親啲老師同同學，畀人踢咗去見社工，同社工傾完計之後，叫撚咗阿社工唔好講聽完就算啦，佢哋唔會改架。但阿社工好天真好傻咁認為人生有希望，叫兩老佢哋改善態度同修正方針會有用，打電話去屋企傾計
結果係社工講完之後，佢哋唔gur我話佢哋嚴或者唔應該咁教，於是炳多我兩錢重

唔知係咪好事啦…ummm小五前後性格係大變咗啦總之

某程度上中學佢哋都仲想CHUR我，不過一來返工了，二來中學內容老母應付唔嚟，又唔同小學咁有咁多坊間練習可以狂操，請補習又無錢，就由得我自己來
我自己來梗係唔撚努力讀啦diu，中一二都算比較努力，但讀咗咁撚多年讀到勁厭惡，入間學校又競爭好大，唔係話你狂操就得，讀讀吓都無心機，為咗唔太難睇每次考試前臨急抱吓佛腳，唔上唔落不過不失咁囉…

總總總總之，我想表達嘅係呢啲狹視嘅教育方針係會害小朋友一世

每次聽到兩老話港女乜乜乜，點解會養到個咁嘅囡出嚟
我都好想回一句：問你哋囉…當初你哋叫人要自私，人不為己天誅地滅，最緊要自己好，你哋係咁教嘛…

又唔重視生活技能同其他社會生存能力，總之考高分考第一就是王道咁…以家港女性格pk之餘，連做家務洗碗etc都好有問題（嗱，我係另一方面唔得，煮食技能零，但打掃是沒問題的），表面功夫人哋睇到嘅就執正，自己喺屋企就完全放飛勁污糟…係邊個造成？咪就係你哋囉…

社交唔知佢，肯定佢扮嘢做吓樣唔太熟嘅is OK，但熟嘅就…
據我所知佢試過同朋友呻過屋企人乜乜乜對佢好差，自己無錯，但阿朋友覺得佢唔應該咁講，佢本人都有責任都有做唔好的地方，然後，佢嬲咗阿朋友，同朋友絕撚咗交

阿朋友識得老母，後尾同老母講返，話港女咁真係唔得

自問自己都係一條PK，不過未至於PK同奇葩到港女的LV，人哋為佢好勸佢仲要畀佢反DIU返轉頭

不過有時睇唔過眼，情緒又比較穩定，好聲好氣半氹半哄地講道理，佢都會對住我黑面

哇DIU個社工咁樣好失職, 虐兒案撞上呢D社真係多得佢唔少

mekokiwi: 其實因為呢件事…我自此唔再相信任何社工…

唉diu 總之見到兩老咁，基於原生家庭對子女潛在的影響，我完撚全唔想養細路加埋養自己都養唔起&香港以家咁…通常會繼承架，就算知道唔啱，大多數人因為根本唔識唔了解未體會過其他模式，最後唔覺意跟咗個模式點算呀大佬，堅唔想養咗件好似我咁嘅出嚟

拖唔撚想拍婚都唔撚想結，以家又唔係事必要拍要結，唔拍唔結無咩大不了，遇著個廢老咁嘅就食屎；遇著個正常人，拉佢入嚟個咁嘅痴膠花家族，做咩害人，唔好害咗條仔呀

好明呀...望住佢地完全想像唔到自己將來有結婚生仔呢條路
自己細個都無受過正常家庭教育自己點會教到細路

mekokiwi: 大家都知道唔應該咁教，但大部份研究數據都指出最後會咁教，始終無見過其他例子好榜樣，唔識handle 亂咁試，害個小朋友做乜…啪啪啪爽完生咗件出嚟你開心啫，但小朋友無得揀爸爸媽媽，如果性格同觀念可合已經好慘，仲要萬一被唔覺意教到向錯誤方向發展，人生悲劇嚟架

為表公正補充返，小五最後我有join其他活動——童軍。
都要錢架，都要時間，但因為對升中比較有幫助，老母准奏。

咁睇你姐有一半其實都幾慘...
我成日都覺得好多人生仔都不負責任... 仲要個小朋友又冇得揀出唔出細好慘

結論：對讀書升學有用就是對的！

kwan629: 都係架…雖然我以家好嬲好唔鍾意佢，間唔中會串9同一齊diu佢，但如果唔係家庭教育有問題，或者都唔會變成今時今日咁…
佢同我的分別在於，我係出社會前仆街，自己發現唔啱盡力改番正，去唔返最初個樣，勉強都拎返一半左右，但佢係出社會後仆街…

可能出社會後仆街，同自己一貫價值觀&思維模式出現太大差別，更加接受唔到，於是all blame on others…我老早就世界破滅咗