啉起來我頭起先啖著个是：甜。。
閣來是酒个味。。阮朋友伊有共我講愛沓沓仔啉，我就照伊講个，順紲佮伊那開講那食糋个。

酒精真正有神奇著，我本來足討厭食傷濟薯條。。彼時毋知影敢是酒精个關係，我竟然食袂siān。。終其尾就佮朋友做伙共規盤仔食了了。

慢慢仔啉真正有效。。我本底啉厚酒足驚掠兔仔，沓沓仔啉就袂矣。。毋過我猶是有一點仔khiang。。直直佇遐笑。。笑甲我啉煞了後阮朋友共我限制，講：毋通點第二杯。。我只好鼻仔摸个。。點一杯飲料。

若講著這擺唯一僥倖个—就是阮朋友共伊个錢袋仔放袂記。。。。。伊一下發現就隨醒起來。。Khiang-khiang个好心情全部無去，好佳哉伊敲電話去確認，確定是囥佇咖啡店袂記提。

補充：去个酒吧是—美麗島車站附近个：Marsalis Bar。內底閣有放Jazz，會當共盡磅个心情鬆一下，毋過伊禁止噗薰干焦到九點，過九點就是通食薰个時段。