『銃』對一篇，補充我家己个想法：
@walter741852 - 【本來就是寫給完全不懂的創作者們看的：如何描繪／描寫槍枝】 不管是華麗的...
四常來講，銃子个速度超過音速，射過去目標个耳仔會聽著hiuh-hiuh-hiuh个聲音(音爆)佇伊邊仔，毋過路西亞有一款無，彼是9x39亞音速彈，是予近距離放暗銃咧用个。
Bullpup（銃子篋仔佇銃把後壁）這款構造，除去特殊設計个，攏有倒手枴無適合个問題，因為銃子拍了會隨共銃子殼排出來，你若用倒手去托，伊个拋殼口是面對你个面佮正手，按呢會燙著。
這款閣有銃子煙會薰著目睭个問題。
消音器無遐爾神，干焦聽起來無成銃聲。
佇拍獵佮考銃，沙漠之鷹是袂䆀，毋過做軍用警用个，猶是較早睏較好眠。因為傷大枝，銃子威力嘛傷夯枷，威力欲遐爾大不如直接攑步銃，手銃欲好紮不如提較細腹个，而且拍起來袂遐爾歹控制。
PS:若你是做爽片sù.-tái.-luh，我贊成這枝做主要武器，因為彼真正有爽。
PS:若你是做爽片sù.-tái.-luh，我贊成這枝做主要武器，因為彼真正有爽。
散子有遮濟種銃子通揀，畢竟伊無腹線(膛線)，會當拍足濟奇怪个銃子。有个較成普通个銃子，一發彈頭爾爾，有个是予鎮暴咧用个樹奶彈。
某佇子
說
AR15是銃名無毋著，毋過伊專利過期了就成做美國上烘个銃族，做AR15个工場百百間，產品嘛是百百種，原理除去本底个AR15是用ga-suh直接歕銃機，嘛有AR18是先歕一个phi.-sù.-tòng了較推銃機，閣有原理倚AK个。
某佇子
說
所以這馬講AR15就是咧講對彼个平台衍生个，嘛～外觀是看會出來是ar，但是到底是改甲啥物程度我就毋捌矣。 
T65、T91是用AR18个原理，佮M16無仝。
某佇子
說
其他補充：某佇上佮意IWI做个GALIL，夢想是去國外个靶場考GALIL。 