見太多野做所以今日唔返 < 咁聰明

佢返工第一日，我以為佢係讀完書，啱啱出嚟做野，原來佢只係細我三年，咁樣做野態度就死啦，唔識又唔問，揀野嚟做，司機今日同我講，話個新人昨日問佢平時係唔係咁多野做，司機話今日兩個人做已經叫快咗，如果得一個，今晚都做唔晒，負責教佢出車送貨同事今日返到公司，呻個新人搬貨唔得，推貨又唔出聲叫人讓開，如果撞到人都唔知點算

同事都好驚佢，佢第一日返工已經狂咳，中午食完飯仲有時間跟佢哋去樓梯口食煙，但開電話聽歌開到好大聲，第二日請假睇醫生，第三日返工要係公司系統補返請假，我畀份說明書佢睇，照住做，佢話入唔到，咁我用佢部機真係login唔到，到星期一再搞，點知原來畀佢崑咗，講明第一條link係office電腦用，手機login要用第二條link，佢話佢輸入第一條link，頂佢，睇住佢入第二條link，佢淨係入半條，諗住google 會出現，我叫佢入晒成條，佢話好煩，入到頭到暈埋

上星期四開始返工，到星期二，都係著同一套衫褲外套，有個同事聞到佢好臭，問我哋覺唔覺，我哋個個載口罩，所以聞唔到