拍拍

先上結論，呢套嘢好睇channel對唔對得上。對唔啱嘅應該會覺得呢套嘢奇妙咁卡咗係個唔上唔落嘅位置——賣腐又唔賣肉、泛濫嘅金手指穿越異世界plot、劇情主線鬆散甚至可以話無主線，呢啲因素都令到佢成為一套評價會好兩極嘅作品。

唔啱channel嘅人睇呢套嘢，應該都幾難堅持睇完頭兩本，而且會覺得咁嘅嘢都出到書簡直莫名其妙。

但係，如果啱channel嘅話，就會一睇就不能自拔——

好似我咁。

屌！！！！真係好撚好睇啊屌！！！

點解佢啲角色互動可以咁好睇㗎！我好中意主角三人組吹水！仲要係九成日常！消閒時間就係想睇呢啲唔使用腦嘅嘢！

最緊要係個主角唔係無腦主角！金手指+食腦+人見人愛嘅主角簡直踩中晒我嘅萌點！利瑟爾真係好撚正！難得主角咁討喜！

好，我總算冷靜咗啲喇。嚟寫下點解我會咁迷呢套嘢(冷靜咁)。

除咗上面有提過嘅「有趣嘅角色互動」、「日常休閒內容」、「討喜嘅主角個性」，應該就係相當唔錯嘅角色塑造。係呢本書裏面每個有名嘅角色都各有特色，而當一班有特色嘅人眾首一堂，自然就會擦出一種特別嘅火花。呢度因為唔劇透住所以就唔詳述喇。

話說其實我發現我真係幾中意呢種打住友情旗號嘅腐向本，果然有啲嘢係要自己ff下先開心——但係呢套嘢其實除咗kiss同上床無做之外其實乜都做齊晒咁滯。

總之一句到尾，純友誼就係正！

====好喇唔劇透好難繼續寫落去之拉線====

下面係大型劇透現場！由頭透到尾是也！

因為我懶得留空白防雷，所以呢層講呢就算唔小心見到都無所謂嘅嘢——無錯！就係我食嘅cp!

登登登登，其實我係國王x利瑟爾派㗎！

雖然劫爾x利瑟爾呢對都好撚正，但係嘩國王x利瑟爾呢對簡直踩中晒我啲性癖。明明國王戲份一啲都唔多，但係咩只有談論起嗰個人嗰陣先會出現嘅笑容，咩注入咗對方魔力嘅耳環(附定位功能)，咩握住手指——呢幕我真係以為利瑟爾要含住佢，啊屌真係好撚基啊

「如果能像上次那樣暈過去肯定輕鬆多了，他當然也不喜歡疼痛感；但敬愛的王所給予的一切，無論是甚麼他都應該接受。」呢啲究竟係啲乜ds台詞啊屌

更加唔使講利瑟爾經魔法陣認證嘅忠誠，同埋咩等我接你翻嚟／等你接我返去，咩王嘅說話帶俾佢嘅狂喜——

真係踩中晒我啲性癖啊屌！！！

至於劫爾x利瑟爾呢對主cp，真係除咗kiss同上床之外乜都做齊晒——咩自己嘅選擇、對等嘅關係、第四本寫完一次騎士效忠仲未夠第五本再跪多次、求解除讀書禁令嗰陣露出嘅令人乜都會應承嘅神情、第七本裏面鬧完交之後嘅內心掙扎同秒速和好——其實我真係好想問下你哋兩個係咪已經結咗婚？？？hey why so gay ah???男性嘅友誼真係深厚啊——

我唔主食呢對嘅原因其實只係因為國王x利瑟爾呢對中我性癖多啲。

雖然上面講嘅cp都無佢份，但係我最中意嘅角色其實係伊雷文。

蛇族獸人、邪氣系、(前)盜賊首領、得閒就嗲吓主角、我行我素、長髮屬性、椅子(笑)——其實我都唔知點解最中意嘅角色會係佢，可能係呢個故事裏面佢好大程度上擔當咗活躍氣氛嘅角色（？）可以講嘅係有佢嘅情節都好有趣，佢入咗隊之後都為三人組嘅互動增添唔少火花同笑料！

「一刀+其他」呢個三人組就好好……佢哋嘅日常真係好撚休閒好撚正，得閒就去吓迷宮、周圍行吓、接吓啲好玩嘅委託、去吓王宮睇吓書、食吓飯吹吓水——個書標題誠不欺我也，真係好撚感動。

「非日常中嘅日常」——我諗呢個就係點解我會咁迷呢個故。作者寫日常吹水真係寫得好正，同時佢又好巧妙咁平衡到當中嘅非日常同日常，9成日常但係又唔重覆、埋到伏筆推到劇情，令人期待之後利瑟爾嘅旅情仲有啲乜新鮮事發生！

其實唔知係咪睇得多heavy嘅嘢，就會想睇呢啲輕鬆和睦而又唔會悶嘅日常。

啊我宜家就戒斷症狀緊……好想快啲睇到下一集嗚嗚……