來源：香港進食失調康復會
對了 為了表達得清楚一點 回答會用粵語～

1.
基本上所有高卡高碳水高脂肪嘅食物。
同埋我計唔清楚卡路里同份量嘅食物/餐點。
食得最安心嘅係磅咗嘅自己煮嘅嘢同原型食物。

2.
狂食中:
死肥閪冇撚用 自己食量都控制唔到 鬼唔望你食到個胃爆撚咗死撚咗佢算
快啲收埋自己入房啦 肥到成隻豬咁都夠膽死出嚟見人
橫掂Fuck up咗 食埋佢啦
嗱嗱聲清晒佢 唔係之後又會再狂食

（續）
節食中:
呢樣野唔食得 太高卡啦
外食嘅話一定會肥 推咗個約佢啦
唔可以再食啦 又假肚餓 飲水塞爆個肚就得啦
暴食咗呀？咁我哋skip下一餐當懲罰啦
痛又點呀？死去做運動啦 鬼叫你管唔住自己個口咩
你餓到胃痛呀？係好事 你今日好乖 冇做肥豬
但係最常出現嘅係⋯⋯
「你未嚴重到需要搵人幫，唔好無病呻吟同埋浪費社會資源」

3.
Er⋯⋯
咩行乜乜七七斷食法/生酮飲食就一定會瘦

4.
冇玩過 有冇推薦😮
（如果講自己set嘅規矩就⋯⋯冇零食週？）

5.
好想開開心心冇顧慮咁：
a. 試餐廳、唔同文化嘅食物同香港懷舊食物（或者做foodie😋）
b. 同屋企人、朋友開開心心咁食每一餐飯
c. 鑽研廚藝，整好食嘅嘢令人開心

6.
唔會令我有愧疚感嘅食物
係呀 你冇睇錯 我連食自己煮嘅嘢都會有少少愧疚

7.
魔幻力量 放了自己 MV林家謙 Terence Lam《特倫斯夢遊仙境》Wonderland (Official Music V...寂寞是幫兇－李拾壹 主唱片尾曲《一起一個人》MV首播！許廷鏗 Alfred Hui - 痛 Pain (Official Music Video)周國賢-有時(White Version)Cavetown, "Talk to Me" - Skyline Sessions

8.
我都想知👉🏻👈🏻
而家搵到有效嘅方法就係淨係食自己煮嘅嘢
同埋外食嘅時候點一個人嘅餐
咁我就可以控制到自己嘅食量

9.
暫時未搵到

10.
同上

11.
同上

12.
ED同體重體型無關 心理因素先係大影響

13.
撕手指同嘴唇上面嘅皮膚、
食極唔飽（比起平常更加冇飽嘅感覺）、
比平常更火爆、不斷唞大氣同嘆氣

14.
搵到愛自己嘅辦法

15.
身邊好似冇人明白我同幫到我咁
我好似陷咗入一個叫做飲食失調沼澤裏面 永遠都甩唔到身
當我以為我改善緊 啲症狀又會突然間返返晒嚟 好無助 好絕望

16.
其實社會大眾open mind啲已經夠
改變對唔同身形嘅歧視、
唔好當飲食失調者係開緊玩笑或者無病呻吟
改變態度已經話到俾掙扎緊嘅人知：我哋唔係一個窿

17.
任 何 事。
只要可以幫助到呢個世界所有有飲食失調嘅人脫離苦海
我犧牲自己條命都在所不惜
因為經歷過先知究竟有飲食失調有幾咁折磨人
啊 有時真係寧願死 都唔想繼續同呢個病搏鬥

18.
1:
同朋友出去食完韓燒
之後第二日restrict咗成日 淨係飲水
當日臨瞓前經歷咗我人生之中最痛嘅一次胃痛
2:
連續兩個禮拜每日食少過800卡
日日水煮餐+volume eating
餐餐都係200克雞胸肉+500克葉菜烚熟
再夾硬塞爆個胃 務求令自己飽

（續）
3:
到而家都係 食唔夠油脂 便秘到要去睇醫生
好核突咁同你地講埋
我啲排泄物乾到可以戒損腸道 出晒血

（續）
4.
15-16/08/2021嗰個週末 連續狂食兩日 16號尤其痴線
講緊話前一日已經狂食咗 又有食早餐午餐打底
去打邊爐食牛大人又狂食 食到胃勁痛
返到屋企消咗滯之後繼續狂食：
杏仁海量、芝蔴酥5-6粒、馬仔 3-4個、紅棗合桃2粒、雀巢Fitbar 1條、消化餅 5-6塊、朱古力威化餅二三十個方格、花生醬食指挖咗一嚿、方包一塊、沙酸扁帶5條、杏脯4-5個
好似怪獸咁 污糟都唔理 就咁攞手食花生醬
啲食物跌咗落地噴到酒精都照執嚟食

（續）
成晚個胃脹到就裂咁 下半夜直頭要坐喺度瞓
朝頭早起身即刻要寵幸廁所 仲要勁想嘔
成個人個情緒勁詭異 愧疚但又有種冇理由嘅狂喜
係咁發熱出汗、手震

19.
當食物係我敵人。
我好驚食嘢，亦都好憎將食物放入口嘅每一秒。
但曾經我係一個好享受食嘢嘅人。
我好鍾意食到美食嗰種喜悅、吞嚥食物、用食物同身邊人聯繫。
但而家係我眼中嘅食物就淨係一堆數字。
焗豬扒飯千幾卡路里。肉醬意粉八百幾卡路里。
菠蘿包三百幾卡路里。珍珠奶茶四五百卡路里。
上面啲數字我全部都唔使Google就已經講到出嚟。
每一次對住食物，我個腦都好似計數機咁瘋狂轉。
1200卡對我來講係個詛咒、係個束縛。

（續）
我已經唔識點樣放鬆咁去享受食物。
我已經忘記係聚餐嘅時候唔焦慮嘅感覺。
點解食嘢呢個與生俱來嘅行為對我來講咁難。

20.
IG網友比我嘅留言基本上係我唯一得到過嘅支持
但起碼我知道香港原來有好多同路人一齊掙扎緊

21.
體重？
我依家好想要一個好嘅體態 但係有啲無從入手💦
（結果只係執着嘅點變咗lol）

22.
計卡路里 係呀
自己煮然後計卡路里係令我最唔焦慮嘅飲食方法
但我知道呢個習慣冇可能行一世 唉

23.
「你都唔知自己想點 我好難幫你喎」
「食少啲咪得囉 控制下啦」
「唔使再減啦 你都唔肥」然之後評論我肚腩有啲大-.-

24.
你不是一個窿。
對自己好啲，相信我，你值得被愛。
我會一直陪住你行過療傷嘅路途。

25.
彈鋼琴、食嘢、煮飯、行路、上網、同親人朋友相處。

26.
焦慮同悲傷 由其係受社交同學業壓力導致嘅依啲情緒

27.
點解係我？點解明明覺得自己月巴，反而搞到狂食？

28.
食飽識停、煮飯份量啱啱好夠飽、有做運動

29.
….Er. 好似無，反而幼稚咗。

30.
多謝你無死到。
多謝你承受我一次又一次嘅催殘。
我知道我哋仲有好長嘅路要行。
希望可以更好嘅了解你，多多指教。

＝＝＝＝＝＝＝＝完＝＝＝＝＝＝＝＝