從第四季的外國王子兄弟大型鬧劇(喂)回歸返「偶像」主舞台，文太功力返晒嚟

返番去成個主線由第一季就開始帶出的問題s:
1. 什麼是偶像
2. 偶像應該做什麼
3. 飯的期待vs偶像本入的意願

頭呢4章已經篤到好多核心問題，而曾經飯過現實偶像會更加有共鳴

團體知名度及認可度上升>工作增多>各團員有好的個人OFFER>因為個人OFFER增多而令可以放喺團體本身的時間減少, 然後根據三次元經驗, 會有好多情況:

團體名義曝光度及作品減少：單推會開始質疑個別成員甚至覺得推發展咁好仲要為團花時間不如正式單飛, 團推會覺得名存實亡, 覺得某成員唔再愛團

成員放喺團時間減少，引致作品質素下降(E.G.跳舞劃水因為唔夠時間練)：飯會質疑該成員，對該成員造成壓力，一係本人自我壓榨到保持到質素，一係就由佢無法

而團體成員每人都有各自目標同入團原因，呢點都巨虐預備

尤其係環本來為咗理先想做偶像，無錯跳舞唱歌好開心，享受舞台，但如果目標已經達成，咁留喺度仲係咪必要呢？又，當你個人目標同團體有衝突時，就好似頭先提到個人工作同團體工作有衝突，咁應該為咗責任選擇團體，定係為咗個人目標同發展選擇個人工作？

呢啲問題係每個三次元偶像同飯都曾經面對的問題

不得不提，完成本來入團目標呢點令我諗起乃木坂橋本奈奈未
佢畢業時係大TOP，佢畢業唔係為咗單飛，唔係為咗實現更高目標，而係佢本身入團就係為咗賺錢幫屋企還債，賺夠錢了，佢亦都唔再留戀虛名選擇畢業做返普通人

哪怕當時個個都唔捨得，形象好（雖然之後文春咗），但最後佢都係選擇畢業了
咁做係錯嗎？對飯嚟講好殘忍，但對佢本人嚟講，強留佢喺度又係好事嗎？

另外就係究竟偶像應該保持branding定貼地真實呢點
呢個千古難題嚟，永遠無解

我覺得兩邊都冇錯，百貨應百客，如果AKB當年就係sell 成長系，而HP就係sell完成品

當然總會有一邊受歡迎啲，但唔會係永遠，AKB而家都因為成長系唔得開始向嘗試調整到精品方向

真係大家都冇錯，唔會有正解
所以又係巨虐預定
期待文太會用咩方式詮釋個答案出嚟

同理老九条偶像資質論其實都冇錯
只係去返百貨應百客，以及飯期望與偶像本人的意願不一致的問題

我哋渴求同希望佢地present出嚟嘅嘢，同偶像喜好及想present出嚟嘅嘢，好多時唔一樣（例如而家我成日話keiko啲形象唔掂，但好明顯佢本人係鍾意呢種）

如果因為飯喜好而埋沒自己的偶像，真係會幸福嗎？飯成日話想自己偶像開心幸福，但總會不知覺令佢不幸
呢點文太前幾季都帶出過

所以，返去本質問題，偶像究竟是什麼？偶像應該做什麼？

至於大型長期documentary節目情節，撫心自問，如果三次元我家仔女咁做，我又真係會睇，但對本人係好殘忍

偶像說到底只係販賣夢想的職業，偶像都係人，但我地總會不自覺當咗佢地唔係人

而為咗飯的期待維持完美係一種方法(trigger)，嘗試將「人」的一面帶返出嚟做賣點亦係一種方法(idolish7)

唉，總之作為一個偶像飯，好感觸，真係大家都冇錯

而家有時都覺得我家仔女開心就好，唔好強加咁多個人期望佢哋身上

———偶像本質討論與角色劇情分界線———

講返啲開心嘢先。
樂紡有一句劇情，我滾動

哪怕只係二哥同樂一句帶過

然後好理解二哥話唔係入咗行會轉台唔睇樂
當一個藝人形象太過完美，會令人覺得假／妒忌，然後就會唔想見到佢，就好似頭先睇到，冇「人」味

T3三人就係完美high brand，是欣賞同用作品賦予飯感動的路線，人味唔係必須

但此處必須發廚，二哥同樂總呢段劇怖我嗚哇哇哇哇
不愧係好男人樂總

岡崎哥同ZOOL經理人見面嗰段SORRY我已經冇留意R2
因為中村+櫻井兩個美聲暴擊，我全程係失心瘋狀態，感謝營運

ZOOL收到個劇本OFFER咩事wwwwwwwwwww
喂呀啲角色同本人wwwww
ok mina係match嘅

trigger個音樂劇又嚟要搞大事
visual張圖右上角個假面有人提出咗係zero假面 (怕)

天喺幾季前已經埋個炸彈終於要爆
佢真係諗住犧牲自己綁死老九条

NOOOOOOOOOOOOOOOOOOOOOOOOO

我唔係天推但我承受唔到

i7團：
應該就係頭先討論本質時堆嘢會狂派刀片了
17大吵預定

我唔想面對

暫時睇落只有r2冇派刀

zool經理人真係…sor櫻井白毛真係覺得有陰謀

暫時係咁多，好多野想講，但我個人好亂

呀…補一補…

開頭音樂劇個場景…觀眾叫天zero個邪教儀式畫面…
會唔會音樂劇內容就係影射甚至直接演三人組…
天 as ZERO

樂 as 老九条 shit但因為劇情無啦啦問邊個似佢 肯定有啲嘢
龍 as 櫻春樹

這個想像很可怕，但我信文太做得出

mani79: 第5部pv 入面，trg 套衫，龍嗰套勁有櫻春樹style。我估係trg 演關於zero 傳奇嘅音樂劇(天→zero、樂→九條大叔、龍→櫻春樹)，然後九條大叔就係想觀眾將對zero 嘅情感投射落天身上，而天就想用zero 音樂劇滿足九條大叔重現zero 嘅願望。
但之後應該會虐天虐到傻，副推天嘅我表示擔心

環嗰邊我都怕，佢身為偶像嘅目的已經達成，如果冇咩新目標嘅話…(怕

cheukloi: yes, agreeee, 但點解要樂總做老九喎，雖然龍會更加唔match
環寶寶之餘陸仲大劑，因為佢只想大家好似而家咁一團人齊整開心無咩個人慾望，正所謂不進則退，無可能永遠停留喺一個地方原地踏步
即偶像團體都係行"畢業制"，AKB當初甚至講明偶團只係一個中途站，跳板，並唔係終點，而陸將偶團視為一個終點，對團推係好事，但大家無可能一直因為佢嘅心願而一齊原地踏步……

可預見一織之後會因為呢點同佢大吵，一織就係想大家紅同發展好，陸應該會覺得無咁團體感，無咗大家交流相處嘅時間

其實我諗文太可能最後畀嘅解釋係:
大家都努力個人發展，而i7就係一個永遠對成員開放嘅避風港同家，咩時候喺出邊累了或者受挫，唔緊要，你仲有團體，仲有呢個原點
類似J家arashi，或者48系劇場個定位

呢樣應該會係陸最需要認識嘅事

陸有主角光環加持我唔擔心

cheukloi: 大家都係主角

不過真心覺得第五部17線大爆炸機會好大

cheukloi: 17 79一次過