雖然女團出道係好興奮，但最令我驚喜係Sica、Yoyo同Alice都被Viu Tv簽咗，呢單野先最開心
四美加主席可以齊齊做同事，超開心

最好Yolica三人都搞個綜藝團出道，好期待呢三人係Viu有咩發展

仲有Nat單野都要講吓，其實佢係我心水女團人選之一，決賽仲投咗其中一票比佢。所以出左小紅書事件後都幾失望。

我覺得佢有可能入唔到女團後想盡快紅同出名，所以想開拓上面客源，結果操之過急，無諗過佢嘅Fans係以香港為中心。另外政治敏感度嚴重不足，呢個時勢好難食兩家茶禮，絕大部份只能二擇其一。

其實Nat有才能仲後生，我都唔想佢因為呢一次事件就係香港永無返翻生之日，結果最終真係去咗上面搵食。

係宜家呢嗰時勢，所有關於政治都要好小心。呢一件事件可以話係比佢嘅教訓同考驗。做明星心態好緊要，機會好多時需要等待，而且花無百日紅，學識平靜面對風浪同堅持自己道路係入娛樂圈一個好重要嘅課題，總之Nat 加油啦﹗