昨天維修師傅來檢查洗衣機後
然後話我知部洗衣機冇壞、冇零件要換

原來只係我一直用嘅洗衫方法錯咗

以前我用開日式洗衣機、頂揭蓋果種
我習慣把衣服都入落洗衣袋先洗
師傅話果種機用洗衣袋洗冇咁大問題

但現在用歐式洗衣機、前面開門果種
用洗衣袋就會有好大問題
因為用袋入住啲衫就會滾成一舊
係洗衣機裡面撞來撞去
就會加重咗個衝擊力

我話我用咗成年先第一次遇到部洗衣機跳出嚟
師傅話咁係你好彩
加上個洗衣機避震係有少少勞損但未至於要換

本來都唔太信師傅因為我明明聽到疑似零件脫落嘅聲
但師傅叫我唔入洗衣袋再試先
真係有問題就再call維修
咁我都唯有再試～
然後唔入洗衣袋咁洗咗一機又真係冇事了

結果唔駛換機唔駛入廠太好了

乾衣呢? 都因為入左袋??

kingf: 師傅話係🙈

竟然⋯⋯我都係大眼仔洗衣機同埋有入袋嘅習慣 哭了⋯⋯等我又留意吓部嘢先⋯

Yasushi_chan: 師傅叫我戒咗入袋
除非有吊帶果類衣物驚會攝咗係門罅到先要入袋～
我部機出事果次我係衰仔嘅...懶到一袋過入咗n件T恤🙈
平時我係會分開2-3件一袋
師傅話入咗袋其實發揮唔到洗衫個作用
佢話因為大眼仔係靠啲衫係個滾筒裡左右fing
去模擬洗衫磨擦效果
入咗袋就磨唔到所以冇咁乾淨
同可能會積住啲洗衣粉/液係件衫裡面洗唔返出嚟
同埋佢話我洗衫量少都有關係
叫我最好放滿一機先洗（可能咁會撞得冇咁勁🙈）

janli: 越講我越驚