真是一個富有哲理的問題

所以我就報攤了，順便坑埋堆同攤一齊，第一次咁多人夾有好多野我都少緊張，突登買新網架希望塞到多啲野，經歷完哩次下年會做更加多事前準備，至少攤位小精靈真係要搵多幾個🤣辛苦哂夾攤又睇攤嘅小精靈sss

既然達哥會出show，就順便還願達玩DMC5 就畫埋TAT may cry出黎，咁都有自肥本不如畫埋自肥精品，所以就畫埋立牌匙扣。本身諗住自肥淨係印最低印量，點知大家好捧場預購期間已經賣哂咁濟，而家可能加印多一round睇下幾多兄弟想要（想要嘅兄弟可以填一填表格，如果夠數我就限量印多round: https://forms.gle/...

D1 - Devil May Cry 3 Dante
無人可以教我放棄：Vergil哥哥
我個人真係好易坑，有人出本命角我乜都得，本身無諗過出MK仔🤣 結果係大熱天時着肌肉衫 + 無彈性硬身皮褲皮褸 + 幾斤重大劍 挑戰人類中暑極限，一換完衫個下攰到想即刻除，個人行動力低又五十肩，靠意志力捱左4-5個鐘仲拍埋片我真係頒獎比自己。感謝白狐 3Vergil、茄子 4Nero、梓0 Leon同行，準備左冰水同冰涼噴噴嘅哥哥好sweet❤

D2 - Devil May Cry 5 Vergil
無人可以教我放棄：達哥
哩日本身係路人，但達哥得哩日登台立即加多日出Vergil，為左同達V影相可以去到幾盡（X
然後達哥同TY同台，所以梓0同我一齊追就叫埋佢出乖仔。個日又見到好多達朝兄弟，完左舞台等影相環節就同哂呣呣村集郵，然後同重裝Ivan 來回地獄（Monster booth）折返人間（舞台邊）幾次，終於可以同達哥影相；； 亦都成功獲得達V一隻（快樂）

影完哂相我就返攤位坐，見到成龍係個攤睇緊仲買埋最後一隻達哥走（兄弟有愛），之後我同隔離吹左陣水就準備收皮，然後我見到熟悉嘅臉孔出現！成龍帶埋達哥同四妹過黎我個檔到睇！然後成龍就叫達哥係張認親卡到簽名，簽左好幾張；；Feel到達哥好攰但真人真心nice😭結果個晚好high訓唔着（喂）感謝所有達朝呣呣嘅大家😭😭達朝有愛😭😭😭

D3 - Devil May Cry 5 Vergil
無人可以教我放棄：成團DMC5仲有埋人性
一開波皮褲膝頭爆軚都唔影響我心情，好威威有DMC5 大團，坑左豆腐出V我終於執返人性😎辛苦哂乖仔梓0坑皮皮出Trish做車衫工、鰻魚完duty過黎痴左一個鐘紋身出Nico、細佬茄子仲練習左陣MJ舞，可惜場內人太多影唔到好多野；；BTW 所有男人都只係搵男角影相，啲囡囡企係隔離都一於少理，男孩子果然鍾意剛陽的東西ww
完左之後係DMC定番Pizza，大家都襯返角色私服去食好正，讚揚V件夏日紅色花花恤衫，真係迷般有V嘅感覺www

D4 - 人中之龍0 堂島大吾
無人可以教我放棄：有桐錦做baby sis
有豆腐嘅桐生君同拳嘅錦君做保姆，我就係清涼又輕便嘅快樂少爺！好意外拍左勁多怪圖怪片，我到哩日先知人中之龍嘅怪圖力原來係咁高🤣🤣豆腐嘅演出正到high 搞到我瘋狂笑場（好彩戴口罩）估唔到都有人認到我出少爺仔好感動😭😭

D5 - 快樂路人
終於做返路人，feel到前幾日嘅攰開始出，差唔多全日坐係攤休息😂
返到去睇達哥都訓着左😂😂

有個位都幾感嘆自己真係大個左嘅感覺，有啲野錯過左嘅就唔知有無下次，每次有哩啲機會都要珍惜，幾難頂都要用意志頂埋佢，我唔想之後先後悔點解我無點點點，That why chur 足咁多日都堅持到落黎

感謝過去五日照顧我、支持我、同行嘅大家～ 希望快啲有機會見到大家啦

----