例如，在很多討論區，都覺得「肥人」很討厭，因為身形而飽受歧視
同性戀者，尤其男同性戀者，更是被很多人恥笑的對象。只要你的性取向不同，他人都會用目光打量
情緒病患者，希望被理解的一群人卻沒人願意接近，令病情加重

我在想，他們為甚麼不被社會大眾接納？

我想起了東京喰種，金木研的其中一句對白：「錯的不是我，錯的是這個世界」

今日先休息了，還要早起

因為批評者覺得某一類人唔符合佢哋對人類嘅期望，嗰一類人嘅出現衝擊咗批評者認為嘅「正常」，於是就以批評去嘗試維持佢哋認為嘅「秩序」。

(又係我

fukkiko: 真啊，但問題係 有啲係好難控制得到㗎嘛 本身可能嗰個人都唔想係咁樣。
例如胖肥，可能係後天因素 做運動減肥都可以減走少少，但有啲人係遺傳體質，再減都係有啲位改變唔到，或者要食某啲藥嘅副作用但擅自停藥又唔得咁。

背後有好多原因我地難以控制，強加自己嘅價值觀落人地身上根本只會對人造成壓力。

佢地其實錯在咩位要受人批評？只係身型上大隻啲，只係同同性戀人拍拖，只係患有一啲疾病，冇做錯任何嘢喎？世界乜人都有啦，但冇特定一個標準㗎，只係唔知幾時開始有人提出一啲標準/價值觀，然後成堆人唔經思考就覺得啱

話佢啱又唔係，錯又唔係。
但好難受囉。

呢個「多元」社會，都係好難包容曬所有人
唔止講身型，性取向，疾病
成日都聽到「成績差會俾社會淘汰」 真係從細聽到大。大眾真係講乜都啱喎，好嘔心。

我成日覺得我自己諗嘢好怪，因為我諗嘅嘢 好多身邊人都唔點諗，覺得個趨勢係咁就跟
「瘦是美」「一男一女婚姻」「至少學歷要大學生來增加競爭力」等等嘅觀念，我覺得真係好限制人嘅發展同思想。但無奈地我都會受到呢啲價值觀所影響，只可以不斷掙扎

一到夜晚再次沉思，其實我自己也能對人有偏見，那為甚麼別人不能，豈不是很自私？
人類真矛盾。

或者人可以存在偏見，只是不能控制將自己的一套價值觀套落於他人身上吧？但其實，很難以客觀分析的，我們很多時候都先以主觀態度望周圍，至於他人角度，也許只有後來才察覺(?)

啱啱睇翻福面(應該係咁樣稱呼？)嘅回覆，其中一句「覺得某類人唔符合佢地對人類嘅期望」
我都有啲同意，可能呢啲期望係一直嘅潛移默化 存在喺社會度，變成而家所謂「大眾」審美觀/標準
話佢係咪官方？又好似啱一半咁

例如點解啲人覺得肥，純粹喺體重數字上大啲，BMI數值大啲，身型大啲咁，肥有乜問題？本身真係純粹講容易有隱性疾病啊非傳染病嗰啲嘅健康問題。但同時又推出啲乜選美 啲人勁瘦身材好好，啲人覺得靚，就慢慢成為咗大眾審美

所以大個咗覺得，barbie不算是個好玩具，佢其實當中對女性期望都幾大影響下，一講又諗起barbie性化女性呢啲嘅問題，哭咗

「期望」某程度係壓力，但放下期望又唔可以進步
唉，我又好矛盾，又講到亂七八糟

唉，我而家後悔突然喺網上捉住個人同佢講啲佢唔明嘅嘢，我講完自己都好難受
因為唔知佢明唔明我到底煩惱啲乜

其實根本可以唔洗諗嘅嘢，諗到咁亂為咗乜？我自己都唔清楚，但我又好想揾到答案
我嘅求知欲啊，求下有時冷靜啲啦，一陣又俾人話奇怪，我個人都唔好受

到時可能即使世界接納我呢個人，啲群體都唔想接納我。起身之後去新環境，要醒定啲……

夜深，都係瞓喇，唉。

感覺到被蝸牛召喚速速前來回應 （x

老實講我都冇答案，因為我都係嗰啲會將自己價值觀套喺其他人身上嘅人，只差在我冇講出口噉解。我嘗試去接受某一類人，接觸多啲關於佢哋資訊，但當我見到佢哋嘅照片嘅時候仍然會在意佢哋嘅外表同喺街上見到嘅人唔同，無法以欣賞嘅角度去睇。（唔講邊類人啦，免得被誤會）

我喺度諗既然唔係每個人都接受到、認為某一種身型係靚嘅話，比起body positivity 去讚美一啲不被大眾看好嘅身體，推崇 body neutrality 去認同每個身體都係正常，以一個中立嘅角度去睇自己嘅身體，唔去label美/醜，應該會更好去建立一個多元社會。

btw我需要多啲時間去消化同組織文字思考，可能會覆得比較慢。我覺得你嘅思考點好好，欣賞你嘗試以思考擾亂(?社會秩序

fukkiko: 其實冇話想唔想擾亂(?)社會秩序/衝擊所謂普世價值觀wwwww 純粹睇到網上啲人對某啲話題嘅回覆而反轉思考立場，如果我係嗰啲人 喺我身上發生呢啲事有乜嘢感受？

不過唔係話一定要所有人接受某類人，都唔係話強迫(?)自己欣賞某啲人，可以存在偏見，但有冇必要公開討論就係另一回事嘅……我覺得。唉好難講 因住俾人話限制佢自由
畢竟每個人都係獨立個體，有自己鐘意同接受唔到嘅嘢。我好矛盾 但又好似合理地矛盾咁(?

我都覺得推崇body neutrality係幾好嘅諗法，比起重視外表 更重視身體本身嘅作用(?)，(應該)減少到偏見，都減少對身型嘅自卑 嘅
只係睇人人對呢個嘅接受程度有幾高

我好明白你嘅矛盾！我都覺得雖然人可以自由表達個人喜好（人身攻擊例外），但考慮到表達出嚟又會令某部份群體覺得唔舒服、同埋好似強化咗一啲norms。當我腦海中浮現一啲批評聲音嘅時候，我有時會覺得自己思想保守、唔應該噉樣諗之類，但唔表達又會覺得好似壓抑自己嘅諗法，都真係幾矛盾。

Body neutrality欣賞身體嘅功能呢個諗法，同近年流行嘅冥想都有幾分相通（冥想係集中身體當刻嘅感覺同能力），我諗兩者結合再加以解釋都有助改變社會對身型嘅風氣（啩）。

講起同理心呢個話題，我最近諗緊點解啲人會blame the victim。無論係性罪行定係近日報導嘅詐騙犯罪，總會有人將焦點放喺受害者身上，怪責佢哋蠢、貪心、唔識保護自己etc.點解怪責受害者嘅言論完全冇諗過受害人當刻係幾無助、人類之間嘅信任可以咁脆弱？

我諗可能係因為呢班批評者接受唔到世界（尤其係發達而治安好嘅地方）嘅黑暗面，佢哋只聽到受害人嘅言論、聽唔到加害者嘅發言。由於只接收到片面嘅角度，批評者認為一個巴掌拍唔響，會發生呢啲事都係因為受害人「回應」加害者先會發生不幸事件。因為無法阻止事情發生&/無法讓真兇緝拿歸案，加上警方標語常常強調巿民要好好保護自己，所以批評者唯有將受害人視為「幫兇」、以譴責受害人嘅方式伸張佢哋心中嘅「正義」，平衡佢哋心中對人為不幸事件嘅無力感。

好似講咗啲不得了嘅嘢

fukkiko: 冥想我呢排了解緊，身邊有人會不時同我講冥想嘅感覺/到乜境界咁，覺得有啲神奇
不過記得其中作用係放鬆自己，增加多啲正能量

講blame the victim，我自己都有啲諗法，首先旁人唔知完全知道當事人嘅處境係點/或者心理，覺得報導就係事實，犯罪者會犯罪嘅某中一個原因係受害者引致。其實我覺得冇乜根據受害者助燃犯罪者犯罪。事實嘅表面係咁，但背後嘅又係咪傳媒所報導？ 有時受害者的確有機會因一時嘅衝動而做出某啲行為導致嘅後果，但正如你所講，佢地喺嗰刻都好無助，反而要俾人指責批評，甚至標籤……

啲警方成撚日話巿民要好好保護自己，但如果本身冇能力又點保護到？或者冇意識行為？即使警惕都未必反抗到啦？有啲case係女仔着得暴露引色狼性騷擾然後叫人唔好着暴露，但人地鐘意咁着咪係限制人嘅衣着，引另一班人不滿

又爆字cry sor上面有句講得有啲粗魯但我真係想講好耐嗰句好廢到喊
我覺得你講到呢點出嚟，應該都會質疑所謂「正義」到底係邊方(?) 至少我會質疑係咪所有正義都係啱。世界或者一個地方唔會有無犯罪嘅地方，正義同邪惡就如陽光同陰影，兩個對立面可同時存在，我覺得正義想消滅邪惡，但邪惡都應該有自己守住嘅「正義」只係唔道德。唔係幫嗰啲犯罪者講說話，只係覺得佢地最終會犯罪背後一定有原因。

每個不幸案件冇人想佢發生，尤其受害者冇諗過最後會變到咁，佢地想揾人求救但反而啲傳媒/網民(無意中)以佢地嘅「正義」指責佢地，將佢地推向更深嘅黑暗…… 受害者嘅不幸帶俾公眾一個告誡，俾佢自己一個教訓，但批評係咪必要都係戴頭盔
人性本善定惡？但感覺總會覺得自己就係啱先 好似地圖炮

講起同理心，講起犯罪
我第一時間諗到一本我鐘意嘅書 凪良汐嘅《流浪的月》

佢令我更加思考到有時温柔嘅說話 人地嘅憐憫反而覺得唔對勁，其中一句話係「事實與真實，有如地球與月球的距離」
思考報導得嚟嘅資訊係事實發生咗，背後嘅真實到底又係點樣回事？講人性，講「正義」，世界嘅唔包容同複雜
雖然我又是off topic但都想分享下
人真係好矛盾又麻煩，好多嘢都可以煩惱同思考，啲人有機會話「你可以唔洗諗咁多」但佢地唔明點解我都係要諗

jarjar123: 其實我嗰陣淨係集中諗人無法體諒受害人嘅原因，冇諗到關於正義嘅概念🤣。對我嚟講，正義同真相冇統一標準，唔同人可以有唔同演繹，睇人傾向選擇相信邊一種講法。其實人永遠都無法知道所有事情，所謂真相係唔同人唔同觀點下都可能呈現唔同嘅真相/真相嘅一部份。

我提出警方提醒呢個點，係因為我諗緊呢啲提醒似乎無形中帶出受害者都要為犯罪負責信息，會增強社會怪責受害人嘅意識。當然跨國犯罪無法作出對潛在犯罪者嘅警告，但針對本地嘅犯罪，除咗強調巿民要保護自己外，更加重要係應該阻嚇人唔好犯罪。我有見到涉及環境衛生同金錢嘅罪行有呢方面嘅阻嚇，但性罪行上都會傾向提醒（女性）提高警覺。

如果有直接損害我利益我會嬲到忍唔住批評一下w，但如果我係一般讀者聽眾就應該唔會批評。今日偶然見到呢篇訪問想分享呢段文字：
我覺得受害已經好慘，社會再二次批評仲慘，如果冇人出嚟留言抗衡呢啲批評嘅話，噉受害人真係會好絕望。

我成日都想叫我嗰腦收聲唔好諗噉多嘢，但真係停唔到 。雖然諗嘢嘅過程又耗腦力又容易不被理解，但同你思想碰撞嘅過程真係好有趣，我唔會覺得有壓力、唔會覺得自己唔夠知識去討論。
（現實中我應該收咗聲，因為我對好多概念嘅認知係源於生活經驗，唔夠人哋拋書包🤣

fukkiko: 草睇嚟真係頭腦太混亂係咁亂諗嘢扯太遠😂 都係嘅，好多「事實/真相」都係睇人點睇
嗰啲提醒或者係有太多相似嘅case發生而有告示，只係仍然都有呢啲情況發生而反覆提醒 人類總會犯同樣嘅錯 咁諗嘅話我好似有更多值得思考嘅點

咁都明嘅，邊個唔想自己生活嘅地方係一個廉潔而有良好形容嘅社會。阻嚇人唔好犯罪嘅最好做法可能真係有懲罰 約束唔道德嘅行為，提醒應該算係軟性而正面嘅措施嘅，有冇用 啲人聽唔聽得入耳又係另一回事
damn前言不對後語咁，係咁推翻自己講過嘅嘢，但我覺得值得咁做

其實我通常都係睇下就算，唔點作出評論，冒犯到我我都未必公開討論，損害利益就緊係要出聲啦
冷氣軍師同鍵盤俠係最勁嘅，所以呢個就係我好少睇某登討論區嘅原因(除非係有啲十分有用嘅資訊

語言嘅力量好強大，強大到你可能講一句就足以殺死一個人。受害者想向外求助，想用自己嘅經歷告誡讀者小心，報導公諸於世但得到嘅係外界抨擊，唔係冇人想幫佢但佢地未必敢出聲，而某啲事件就咁成為嗰班受害者嘅污點。唔知係咪應該咁講，我都係憑感覺出嚟

我嘅思考唔洗用到好專業嘅知識，好多都係生活觀察發現到嘅，生活永遠俾到我好多靈感啟發思考，我都只係用自己方法，用好多角度去思想自己/社會，專業嘅我就真係唔識了ww

雖然平時諗好多嘢，但拋書包我就一定唔夠人地嚟，小妹我讀書未夠多 見識少😂 即使我有某方面知識都只係知少少，未到深入鑽研

扯太遠冇問題，我哋啲討論都係扯嚟扯去，而且你提出嘅追問都好合理同埋可以延伸落去。

我都覺得某登同某王國啲言論真係會睇到反白眼，不過都值得去諗點解啲人會有噉嘅睇法反映咗咩社會現象。我唔會喺網上留言同發表意見，唔想被圍插同起底。最多都係無聲轉發，明就明唔明就算。

都理解點解唔敢出聲嘅，而且好多時想幫都唔知可以點幫。聽落好似好無助，但我覺得不加批判去聽受害人分享返件事已經足夠，剩低交返畀專業人士去處理同分析。

fukkiko: 可惜有啲人都係忍唔住插嘴輿論，呢個係冇人stop得到嘅，尤其網絡可以匿名發表言論，冇人查就冇人知你邊個，所以啲人先會喺網絡世界入面公開言論。毫無鋒利之處，卻能傷人的刀刃是真實存在的。

雖然我都會有時喺網上暢所欲言，不過睇喺乜平台，太多人我會寧願唔出聲，廢時惹麻煩。嗰啲留言睇下就算，理咗動氣只係嘥氣

然後啱啱睇到ig有人share咗個po，睇到o咗嘴

明星展現身材我理解，但有冇必要人人減咁瘦，用呢個公式作為標準:0
咁啲150咪要得30kg？瘦得嚟都唔健康啦ching

繼A4腿、手反肚臍之後又有-120標準www
感覺按呢個標準去減肥會被颱風吹走

fukkiko: 笑咗 馬鞍就打到嚟 但我嗰邊風平浪靜
手反肚臍我真係唔明了，做到之前手痛先啦
仲有apple有線耳機圍腰整到2圈就代表你好瘦
然後做到嘅人就會share上網證明佢瘦
瘦唔係唔好嘅，睇落身材好啲囉，但呢啲標準我個人唔係好接受得到:0
咁有啲做唔到嘅人就會自卑然後揾方法減肥，如果用錯方法 對健康都造成損害就唔太好

人嘅價值觀/對某啲標準有時因風向而改變 cry

jarjar123: 我呢邊都係
風平浪靜= 李氏力場生效

即刻攞apple耳機圍咗一下，fail咗🤣。通常呢啲我都會睇完就算，知佢唔make sense，好在呢個post下面啲留言都正常會反駁唔合理嘅位，不過對有身體焦慮嘅人嚟講真係會以此做標準都話唔定。等睇未來有一日吹一陣回到歷史風，流行肥胖就是美，噉就有趣喇ww

題外話，我諗起有一次見到ig賣豐胸廣告畀我。我嬲到喺story屌嗰個廣告背後嘅意識形態，結果ig依家成日賣豐胸廣告畀我：）

fukkiko: 雖發福肥未必壞事，但好瘦嘅人突然增肥太多，身體都會吃不消先

我成日覺得ig好似識偷聽咁，有時會係咁有相關嘅資訊彈出嚟
btw佢嗰句想俾男朋友保護欲，好嘔心🤢 女人唔係用嚟滿足男人嘅性幻想ok？我都係覺得用女性身體作擇偶標準嘅男人真係好嘔
仲有想話 睇到啲豐胸廣告，腦會彈出一句「假㗎啲奶」，女人唔係只有胸的

jarjar123: Google、ig 成日都會偷聽，而且ig見你cap圖share某啲廣告& search record，都會判斷你對嗰種廣告有興趣。IG畀多啲廣告我睇畀我啲機會畀我屌多啲

目前呢則係我見到覺得最嬲嘅廣告，以女仔為自己整形作賣點我覺得可接受，但sell為另一半（尤其男人）整容我覺得唔撚掂，但遺憾係下面有好多cm tag其他ac兼問幾錢（先假設佢唔係買cm），有種一傳十嘅感覺，真係幾糟糕下。

假奶www 諗起我朋友話唔明點解啲人會對整容嘅人指指點點，不過如果我未來女朋友做咗胸部整型嘅話，我都忍唔住會想噉講（扯太遠

女人唔只得身體+1

fukkiko: 唔會扯太遠啊 咁啱延伸到呢個位 雖然係中間我shift咗去另一個話題先

如果係為自己而做呢啲整形/整容，我可以接受，但為吸引異性就直行轉咗唔該，講到女仔變靚變好睇 難聽啲叫做雞咁，我覺得唔撚得掂
雖然有啲人嘅目的為前者，如果為後者就 唔好俾我知道好，我實嬲鳩 mind fucked

講整容，其實我覺得冇必要真係可以唔洗去做，如果身邊朋友/(可能未來)女朋友想做嘅話，佢講到啲合理理由我會講「你考慮清楚你唔後悔就得」嘅，但心底都係覺得保持本來咁就得啦，當然 之前都會同佢傾好多，佢企到硬係都要做 我都阻止唔到
不過佢唔同我講就去做 我實會講幾句

但如果係(可能未來)男朋友/whatever異性，總之如果要我用咁多錢做呢啲濕鳩嘢，我實即刻斷絕關係再屌到佢喊住揾老母

jarjar123: 笑死 一講到整容激動到彈曬啲粗口出嚟

可能做性工作者副body仲天然過啲媒體展示嘅索女身材，要租場又要生活邊有錢搞噉多嘢
啲客要屌就屌唔屌就算

fukkiko: 我會明通常啲人點解整容但我睇唔透呢樣嘢，自己雖然顏狗但係講樣嘅話我會更鐘意自然美
身材自己都唔好，但唔會有好多唔滿意先，想身材好都可以靠做運動/注意飲食同生活都可以有啲改變，但要恆心堅持

性工作者有冇整過形/整過容我就唔清楚喇，可能有可能冇啦，要媒體視人嗰啲索女其實單憑睇都唔肯定佢地有冇整過 (啲微調手術我諗有嘅)，除非俾人爆出嚟又有對比照 我覺得好有趣 (題外話)我覺得性工作者係值得我去respect，雖然俾人感覺好唔道德 背後點諗我唔知，但佢地跨越到條線做到呢步，我諗係大部份人做唔到，至少我自己喺啲乜處境都冇諗過要去做 (混亂

jarjar123: 鐘意自然美嘅顏狗+1 最好係唔化妝都靚嗰種自然美

我會留意自己身材唔符合大眾理想身材、去服裝店試衫可能都唔啱身、間中捏下啲突出嘅脂肪，但我又過住是旦啦快樂懶人生活 至於藝人有冇整容我真係冇興趣知，成日聽到人哋講藝人有冇整容都覺得好煩，佢整唔整都只係一個image啫。

提起性工作者，最近有見到一篇採訪研究性工作者學者嘅訪問，睇完都會改變自己對性工作嘅諗法：ways of seeing：工時彈性 方便湊仔 摘下有色眼鏡 看一樓一這份工 - 20220828 -...當中最有趣嘅位係性工作者嘅年齡、身材同「下海」原因都係同大眾（我）諗嘅唔同，原來性工作者自己都覺得自己做嘅嘢只係一種職業，撇除職業嘅話，佢哋都會遇到好多人都會遇到嘅煩惱。

其實我都冇諗過要做。但有浮現過去撳鐘仔嘅念頭

fukkiko: 講起化妝，我又有勁多疑問，諗起好幾年前因為化妝呢個話題 同以前一個fd炒大鑊絕交
仲有之前做project仲研究男性化妝發展史同現存爭議，lecturer冇諗過我會做啲咁嘅嘢(扯遠咗
我覺得唔化妝都可以自信出去示人喺而家呢啲環境同各種影響之下越嚟越少見，更唔好講唔化妝都靚嘅人，我都想見到
身材我自己唔會特別有要求自己要身型點樣，最多聽醫生講做下運動保持下就得，脂肪點都會有，但會特登諗點減走，做個快樂人咪幾好 我就爛.jpg

我都會想試下撳鐘仔 好奇心太重

關於性工作者，記得以前問過身邊人點睇呢個職業，佢地都係啲好負面嘅睇法，但我覺得都算係一個職業，正唔正規就唔知道，反正世界上感覺有唔少職業都係灰色地帶之中。其實性工作者未必係年輕女性(/男性應該都有？可能外國多啲)，應該講有部分係社會較低層嘅人群，當知道部分從事呢啲工作嘅人嘅背景，佢地都只係為生存 為家庭/心中重要之事而選擇做大眾覺得好唔道德嘅「職業」。講真做咩職業都有唔同嘅難處，人講「做雞」當容易咩，就好似sales/餐飲(等) 咁，咩類型嘅客都有機會見到

只係社會都係覺得呢種職業唔應該存在（？） 唔符合道德標準，但始終都會有人真係「幫襯」。佢地都(應該)係自願成為性工作者謀生，其實反轉思考，咁樣同其他打工仔到社會求職打工賺錢為求社會生存又有咩分別？只係比較「唔道德」同「唔正當？」
然後做呢種「唔見得光」嘅職業/行為嘅人 飽受社會歧視，某程度上都反映唔少社會問題嘅出現/性別議題嘅討論

jarjar123: 居然會因為化妝而絕交？！ 好奇你對化妝嘅睇法同埋份project嘅內容

我可能會傾向化淡妝/唔化妝嘅人做朋友，我會覺得化濃妝+戴有色/大眼con嘅人好似睇唔到佢嘅真面目。所謂眼睛係靈魂之窗，我見到人哋戴有色隱形眼鏡真係會覺得感受唔到對方。

我覺得我哋去撳鐘仔到最後應該扑唔成嘢，做做下前戲突然變咗性工作者訪問。同埋我覺得我到依家都撳唔成嘅原因係我無法同一個我唔愛嘅人做愛，我靈魂/直覺感受唔到對方嘅感受會覺得好迷茫。

fukkiko: 啲件事應該係近幾年嚟影響得我最深遠，但成件事點發生而家諗翻起真係好好笑
事源係嗰陣我喺ig story分享咗嗰晚發嘅夢，個夢入面係話條友化妝話見男朋友然後我話「個妝有少少濃」然後俾一班人屌柒 嚇醒咗，唔知條友係咪對號入座喺private話乜「女仔係要化妝打扮，而家你唔咁做 到之後你會後悔」
然後變咗隔空鬧交最後我同幾個人就冇再聯絡過，佢地繼續圍威喂，自己嗰陣身邊一個人都冇而墮落咗。我唔係想講自己嗰陣好慘而係開始懷疑個世界，然後就變到而家咁 係咁提出問題。

女仔一定要化妝？點解唔化妝會俾人杯？自認樣一般唔突出，唔抗拒化妝但好多時都唔化。我接受到化妝，佢的確可以令人變靚，但同時都要付出代價，要錢買好多化妝品，要時間化妝，有啲化妝品用咗會傷皮膚，有好有唔好

我個人就唔係好化得妝，化過幾次 通常之後眼唔舒服，冇必要化妝都只會防曬+少少遮瑕，最多眼尾畫眼線然後完。 有純天然灰色眼影即係黑眼圈
我對身邊人化唔化妝/化乜妝都冇乜意見，化到我認唔到其實我冇所謂，佢地化係佢地事，唔好喺我唔情願嘅情況底下強迫我化妝就得。我認同眼睛係靈魂之窗，好鐘意望下人嘅眼，想知佢到底睇緊乜嘢
因為其實好多情緒 你對眼係比你表情更容易顯露到出嚟，好神奇

有關嗰份project先係簡介男性化妝演變+意義，討論「化妝是女性特權？」「男人化妝＝娘炮？」等性別定型議題，現今人對男性化妝嘅接受程度，同告誡無論男女 化妝嘅目的雖相近但都係唔好太over，都要學識愛護皮膚同希望帶出接受自己每一個樣貌嘅信息 (本身主題係beauty，然後俾我發展到咁

fukkiko: 變成訪問好真wwww 但其實我都覺得如果真係上咗房但我感受唔到對方嘅真實情感+唔係自己愛嘅人，我都會衝(?)唔起 好迷茫，然後會想知點解佢從事呢種工作，了解多啲呢個職業

我覺得好有意思喎
btw我又有其他疑問，性呢樣嘢我真係從細好奇到今日，好多方面都係，睇下之後有冇機會討論呢個話題 冇乜人想掛

jarjar123: 我覺得你嘅前朋友真係有啲莫名其妙，發個夢都可以喺現實中鬧交。其實你開始懷疑社會嘅norms，係咪因為你嘅朋友圈嘅價值觀同你夾唔到，而佢哋又無法尊重你嘅諗法同質疑？

我覺得化妝好麻煩嘅原因同你上面提到嘅位都好相似（再加上以前買化妝品嘅唔愉快經歷），而且我會覺得自己化完妝出街嗰樣好怪好唔自然，都係素顏最自在。我又唔會屌朋友化妝，但佢唔好化咁濃我會覺得同佢相處得舒服啲囉。

份project聽落好有趣，如果係同班我應該會有興趣聽。好奇男女化妝唔好太over即係點？太over除咗傷皮膚之外仲會有咩問題？ （我諗起啲drag queen化妝都超誇張


講性真係好多嘢可以講，你打開話題我就會join㗎啦 係咪要開再開私噗

fukkiko: 喺我眼中 條友係幾莫名奇妙㗎，不過我喺佢地眼中先係奇怪嘅嗰方
應該係再早啲 萌生咗疑惑，認真思考諗嘅話就應該係嗰件事之後。成日好似覺得自己社交出啲乜嘢問題咁，認真諗到底係我問題定係邊個位出錯咗 小結係啲人覺得我有問題

化妝我覺得係麻煩，揀化妝品又要睇牌子又要睇色，我成日好似個直男咁覺得差唔多，好多嘢搞又要補妝，平時諗着乜衫食乜嘢都好煩好頹仲要俾多樣嘢自己煩唔好啦。(for me)
睇人化妝係好似容易，自己嚟感覺都係有啲位怪怪地，着衫打扮都係咁，最緊要都係自己覺得舒服自在就好
(未完

jarjar123: 聽咗你分享咁多我覺得未必係你嘅社交出現問題，只係你嘅社交圈滿足唔到你，喺現實中未遇到價值觀夾嘅人啩。如果你真係有問題嘅話我都同唔到你傾咁耐咁長啦

我都覺！我同朋友行街睇化妝品都係一頭霧水，唔知啲色試喺皮膚上有咩效果同分別，但你叫我畫畫我又配得到啲色㗎喎。而且我生活都係好撚懶嘅人，寧願瞓多半個鐘都唔好叫我起身化妝。

我最近諗關於性嘅topic都係圍繞住「月經」，例如「點解女仔對M巾同漏M要遮遮掩掩」、「喺公司設立月經假」&「喺公眾洗手間提供生理用品」嘅可行性、「男人同跨女用M巾係濫用、對面對月經貧窮嘅女性唔公平？（我唔認同呢個講法）」之類。

可能你murmur下就會出現討論方向㗎啦

(改咗少少嘢 重po)
化妝over嗰陣我諗唔到點形容就求其塞咗個字
其實係指妝太濃，濃到好似整咗容咁，妝前妝後可以好似兩個人咁嘅極大對比。帶出下「有時化妝都係要控制，適可而止，皮膚係跟一世，損毀都係跟一世」之類嘅信息
同引發大家「化妝係咪都有底線」嘅思考，對美嘅追求係咪可以不顧一切？ 從男性化妝作為我報告嘅中心點擴大出去到「美的標準和代價」，希望大家對「審美/美」有更多角度嘅思考

講性方面嘅話題應該要開個新私噗
我成日想講但太多諗法唔知邊度開始好

fukkiko: 其實係，某程度上係身邊人諗唔明我諗乜 跟唔上我思考速度，咪覺得我怪而最後杯葛我
而每逢我入咗一個圈子，一開始覺得係有空虛被填滿 好active，但相處耐咗啲又會覺得唔滿足，已經唔點揾到人同我傾計，一係傾得唔耐，一係知啲人冇興趣聽我講嘢
所以真係好多謝願意同我傾咁多，未試過有人願意主動一齊討論

同為懶人，我最愛睡覺 但成日夜瞓 我冇特別事都係頹衫頹褲 睇落整齊企理就出門見人

點解要遮掩，呢個係我其中一個思考點，唔單止講月經相關，甚至係對「性」方面話題都算敏感
你諗嘅可能性 我覺得好值得去討論！可以私噗傾
感覺可以以呢個為出發點 然後無限延伸

jarjar123: 我反而係唔講嘢、唔join社交圈子嘅人，比起群體更鐘意每次交流淨係同1-2個人傾計（最好傾關於反思生活同個人成長嘅嘢），但更多都係自摺諗嘢&搵google。有時都會困惑明明自己嘅能力都唔差但點解自己咁冇人緣，但真係面對人嘅時候又覺得好攰想摺埋一邊。

最近每朝起身第一件事係開噗浪睇下你噚晚覆咗啲咩，有時夜晚覆完仲會因為想等回覆同傾耐啲而遲瞓覺（但最終都敵唔過睡意）。真係好難得我會同一個人不間斷噉傾計傾足半個月有多，現實生活都冇咁耐（淨係呢個噗都已經傾咗8日

我有諗過開私噗傾，但我發現比起開話題，提出新嘅思考點去延伸他人嘅話題我會更自在（上次我po完個人經歷mur之後已經覺得好唔好意思想一陣del咗佢覺得冇人想知，但我見到你留咗cm就保留返，然後就保留到依家）。

fukkiko: 我自己所謂join社交圈子通常係突然被一個人拉入去 啲人接受到而一齊有共同話題傾下，比較多人嘅gp通常係同好gp，會分享日常生活但唔會傾到好深入。我係啲傾到某個位就shift咗另一個方向嘅人，搞到啲人聽唔明所以最後我會收曬聲mute埋gp，除非有人有事揾我先上水講下嘢

我都係鐘意1對1-2嘅chat，好鐘意深夜心事，喺現實我唔會講好多心底話 唔知點開口，但喺網上typing就會係咁講 (好似而家咁 感覺唔洗受到其他人目光咁暢言，覺得幾好

wtf原來有8日？？！我真係冇留意幾時po
但我好enjoy同你傾嘅過程，好實在好開心
特登開話題嘅話，我自己都唔擅長，不過如果有啲諗法想講出嚟嘅話會友限度講出嚟 通常冇人理
一切緣份到