還有剛好有瑪莉社長的展
一直很喜歡她的作品，沒想到社長還記得我，還聊了很多……真的超開心

講講common6，對我而言是一個很好的空間讓大家討論「性」，大家也很友善 不尷尬，也令我大開眼界的

喔喔喔喔喔你去咗Common 6！

我一直都想去Common 6參觀一下，但都冇機會去 （主要覺得活動有少少貴&唔想自己一個人去
睇到你嘅噗先知原來佢依家搞緊展覽

fukkiko: 今日我係即興一個人去
如果有時間嘅話我覺得可以上去望下，佢嗰度有啲覺得幾得意嘅書可以睇
佢因為本身地方細，展只有一個小位置 但係我覺得每個角落都有唔同嘅嘢睇
活動我會想參加但都要睇主題同時間就唔就到
價錢我覺得還可接受的，我諗緊展覽期間再去多一兩次 如果得都可以一齊去

誒誒誒可以一齊去？！ 我可以啊！ 睇你張圖都覺得啲書好似好有趣，有興趣想睇！亦都想睇下有冇咩嘢新發現

我自己一個人去覺得會冇咩癮，因為我好大機會會靜雞雞睇完一圈之後就走人。但身邊有人嘅話可以傾到好多嘢，同埋感覺對方會比我更主動向攤主傾計問問題，噉我就可以聽多啲資訊w，會有趣好多！
（而且關注咗Common 6嘅店主好耐都想去見一下店主真人

我唔敢報佢哋嘅活動嘅主要原因係我唔敢公開發言，覺得自己嘅知識唔夠喺一場學術討論中發表個人見解，同埋唔敢分享自己嘅經驗（如有）

所以如果有你陪我去我應該會勇敢少少 （細聲

fukkiko: 可以啊！！不過我要睇翻啲時間先，佢只開星期四-日，我等陣可以私噗你 夾下日子時間
我有影佢個書架嘅書，我好多都想睇

我通常自己去都會靜靜地坐埋一邊，但有人同我傾計都會講到好多嘢
我覺得有時唔一定要有學術內容先叫討論，更重要係交流各自想法。我自己都好多嘢冇學術見識，但只係跟從我本願去做 純粹想講出嚟，feel free就得

jarjar123: 好！

書架上面嘅書我淨係睇過房思琪的初戀樂園（內容好壓抑），其他書有啲聽過，都想去揭下

唔知點解成日會覺得Common 6嘅活動有種讀書會嘅feel，好似要對某個topic有一定嘅知識/經驗先可以入去傾計，可能真係入咗去先會覺得放鬆啲都話唔定

fukkiko: 我覺得啲活動似係俾多啲人用嗰個角度去了解同認識，以角度作為切入點帶動各位去思考

啊，仲有個好大嘅感想

我唔會再着住有踭鞋跑喇 腳開始痛緊