都幾多人

順便佩服一下自己今朝成功5 點起身

入境隊長撚到，排左個半鐘都未入到境

搞左2 個鐘先入到境，諗好曬啲行程都去唔到，唯有夾硬黎，總之去左酒店check in 先，酒店唔小心book 遠左，行完轉車站再轉車，煩到嘔

不過入到去都幾新，上網睇好似話係今年先開

之後啦啦聲開低野去神社，之前上網check 左邊到有古札收納所，去到原來係無既，好失望，等我仲拎左成埋舊御守出黎

變左帶啲御守去左一轉旅行

其實都無咩好行就走人，係附近行下，見到有aeon 就買左啲野食同手信，唔知係咪因為住宅區，所以都好大間，因為全日都無食野，所以就買左個包，都唔留咁耐

買完個包先記起，日本唔興邊行邊食，但我又唔想係度食，於是去左搭車去酒店附近食飯

漏左個小插曲，去搭車去神社時，google map 建議我去搭巴士，於是我係等馬路中途睇住架巴士走，如果唔係日本啲車都幾多，同埋唔係好知幾時沖得，我一就沖左過去

走左巴士唯有搭鐵，點知搭錯方向，又浪費左時間

終於好辛苦咁去到，點知無得回收舊御守，於是成個trip 帶啲御守去旅行

既然去到就行下，抽下籤咁，之後係附近行下，但好多都閂左 因為太餓，去左aeon 買野食，但記起日本唔興邊行邊食，就帶住個包周圍走，我到下午5 點都未食野

但附近行下行下，又見到啲人練棒球，好熱血

驚俾人當變態，唔敢行埋去影

之後就回程，諗住去tabelog 3.6x 分既拉麵店食野，一如既往既蕩失路，終於搵到既時候，發覺咁啱周年紀念！！！！！搞特別活動，入面好明顯成班店長fd 聚集，我呢啲毒撚緊係唔敢行入去！

餓到仆街，最後係附近一個地下商場，一間好似好小店既店食野，好大碟but 我成日（到夜晚7 點幾）都未食野，成碟清easy

白飯任裝不過本身都好大碟

而家睇番相，有野飲但唔知點解無拎到

食完野番左酒店抖，同埋差相機電，相機係神社影左一陣相已經無電 佢本身唔輕仲要孭住佢行，真係腰都斷

差完電，就出去買手信，打算買jojo collaboration 既godiva 朱古力同埋藥妝店