同音樂唔太熟，老實講上年係淡坑追星，所以可能好多嘢冇update到
講吓聽完歌+睇完歌詞嘅感覺，歌詞中翻我睇蕉旻的

聽之前講吓，今次係出專而唔係mixtape，雖然上次Indigo專我仲未補聽（對不字嗚嗚），但係兩樣喺我心中定位有少少唔同，相對上會覺得mt可以更加坦然同埋赤裸，唔係話正專唔會寫自己嘅內心，但感覺mt會挖得更深
不過睇咗少少歌詞感覺今次閔玧其都仍然係寫得好自己，可能係我諗錯（

1. D-Day
由hook開始已經係有點燃+悲壯嘅感覺
係咩大人物轉身走向火海嘅電影畫面
主歌歌詞有諗起N.O，回歸初心的hiphop
像boss一樣堂堂正正去面對呢個世界、所有挑戰，係霸氣嘅宣言亦都係戰歌🥹

2. 解禁
OFFTOPIC本身睇呢個title+graphic真心諗起AV封面
一如以往address咗目前社會議題&人心嘅Agust D
自由到底係咩，我都成日喺度諗，有人話有言論自由就咩都講，又有人話言論自由唔代表可以傷害人，但係有冇造成傷害呢點係咪又係道德標準唔同而因人而異，噉有道德規範呢點又係咪自由
好似唔太關歌詞事純粹有諗過呢樣嘢又寫埋
睇歌詞我會諗到好多傳統同依家嘅價值觀衝擊，例如LGBT+，又諗到政治正確，好多枷鎖亦好多自找煩惱
不過我又覺得每人情況唔同諗到嘅解禁都唔同，唯一共通嘅大概就係有受到King Agust D嘅號召全面解禁（？）XD

3. HUH
Ugh same vibe🥹 超愛閔玧其寫呢類自信碾壓其他人睥睨天下fuck all the haters嘅track🥹
SOPE嘅vibe都好啱呢種track
唔算好鍾意hook （再重申真心唔太喜auotune）但係歌詞&態度&主歌

4. AMYGDALA
😔😔😔
進入了Agust D嘅weak side
Amygdala啱啱查完係解杏仁核，腦內主導情緒反應嘅一部份，睇科學Online話係主導恐懼等負面情緒，但係劍橋字典又話係主導愉悅及恐懼兩種情緒，點解會咁神奇，原來可以講話係相反嘅情緒係由同一個器官主導
按歌曲排序，係第二次歌詞出現蓮花，對應翻D-Day入面歷經試煉出於污泥仍然盛放嘅蓮花，或者呢個就係佢對自己嘅祈願，喺仆街嘅世界入面堅守自己🥺🫡
但係佢都有啲猶豫躊躇，所以先會提到最好次好嘅選擇，可能都會諗依家行呢條路係咪最正確嘅🥲
呢個就係人生吧，或者永遠唔會有最優解，只係揀完之後選擇點去面對🤧

5. SDL
唱歌嘅閔玧其！
我覺得閔玧其寫關於愛情真係好中我，好鍾意佢有點抽離地去審視自己嘅愛呢一個角度
到底係鍾意呢個人定係美化過嘅回憶，其實好似好多人都係噉，或者係習慣，或者係有幻想，等等等等，清醒理智地去檢視感性嘅自己，理性同感性嘅對話（？），好愛了🥹
仲有個beat都好鍾意，暫時最喜，似係清晨坐喺陽台望住沙灘吹住微微海風去回顧過往嘅一段感情？
冇歇斯底里，冇喊苦喊忽，只係冷靜地回顧
My man🥲

6. People pt.2
呢首之前喺story寫咗少少
第一係鍾意pt.1多啲，第二係覺得段hook有少少聽到頭痛，唔知點解，太多拉長嘅音？
歌詞提到可能所有利他主義都係自私嘅
感覺都係有少少佢自己嘅故事
（&諗起金珍之前講，其實都係利用他人嘅開心令到自己幸福）
其實我都有同感，雖然A0，但係會感覺到嗰種由陰影衍生出嘅小心翼翼，再變到討好型人格
但係真係唔需要咁自卑！亦唔需要太去為咗得到他人嘅愛或者陪伴而去遷就人！因為本來嘅我哋都已經有被愛嘅資格
呢句真係好定心針，多謝閔玧其畀咗我一個咁好嘅安慰

7. 極夜
Shit this is so real😭
上面講完政治正確呢首即刻有
話說呢首咁熟噉嘅 定我已經喺story聽過少少？😂
鍾意呢首嘅立意，就係呢個狗屎嘅世界，everything is fucking wrong

8. Interlude: Dawn
都好dawn嘅感覺，幾乎望到外面晨光第一線（？）
可以做discovery channel或者電影大片嘅BGM（？？

9. Snooze
😭😭😭聽到喊
仲有So Far Away嗰段 本身都好鍾意🥲🥲🥲
「你」字面睇可能係同行/後輩？但更加覺得係同佢自己講，過去嘅懷住夢想嘅自己，未來嘅未知嘅自己，現在嘅可能有啲懷疑嘅自己，無論係邊個時候都唔好唔記得夢想終會綻放🥲🥲🥲
好似每次AD嘅mt/專都會有呢種歌嘅存在，佢都一定有試過覺得好攰，會質疑當初嘅選擇，又會對現狀不安，然後透過歌曲同自己對話，提醒自己，亦都係個鼓舞🥹🥲
無論如何都好多謝閔玧其畀呢個脆弱嘅一面我哋睇到，big hug🥲

10. Life Goes On
Love the melodic rap！！
屌呢首都聽到喊
應該係疫情中期（？）寫嘅歌，就噉睇歌詞會覺得係address緊彈仔&米，因為疫情而無法見面，唔單只係米，佢哋都會好唔適應，好憂鬱
諗起以前有篇韓網文話，偶像都會有佢哋深刻嘅粉絲？唔記得標題係咪噉，總之意思就係，其實對於偶像嚟講都係一樣，面對粉絲離開嘅過程都一樣難受
但係見到呢段我真係忍唔住眼淚了

都睇過有偶像話，只要仲有一個粉絲喺度支持佢，佢都會一直唱下去
有時都好驚，因為確實我覺得佢哋相對上係有少少停滯，仲要面臨咁長嘅軍白期，好擔心萬一有人氣落差，唔知佢哋會點諗

唔知我仲會鍾意你/你哋幾耐，但我好希望，喺你哋舞台生命仲延續嘅時間，我都想一直支持你哋，想你哋嘅堅持係有意義嘅，你哋嘅夢想一直有人守住

唉唔知，一時諗到好多嘢，冇諗過係呢首喊得最甘

冇話最愛邊首
單論曲風嚟講我一定係prefer SDL嗰種，但係又唔可以噉計，鍾意戰歌，鍾意diss track（？），亦都鍾意抒情向，就係除咗autotune之外（又講）其他都好滿意好愛，多謝Agust D我覺得今次仍然係接近滿分嘅答卷

一定會順利的汪 (」・ω・)」