我好似冇解釋過我依家沉緊既係朴宰燦
但其實一開始我係比佢男朋友朴栖含吸引左先（繼續造謠）因為朴栖含真係好撚靚仔！好好睇！
因乜解究佢地個cp我咁中⋯⋯
雖然係拍BL劇，但劇就係演戲，我中既係本人而唔係角色，多得佢地本人性格其實一啲都唔似角色
劇既攻係識打扮藝術型花花公子壞心眼學長
受係機械人木納人類省電模式唔做冇必要既野=男女一齊為左繁殖呢種思想 當然一開始設定係咁但人係會轉變 佢兩個係遇到對方之後都有變好 呢個係原作
但
現實既朴栖含係怕醜 細膽 溫柔 時裝車禍 唔識講野
朴宰燦就係造作姣婆（又造謠）隨心所欲（=隨時mean人）=DKZ小公主（我真係推唔係黑
但小公主係栖含哥哥面前就會變到勁乖勁人妻

分享下點解依兩個人cp咁撚香咁真
首先就係成日講（冇）既所謂共享衣櫃系列
重點係到幾個禮拜前都仲有新糖（講緊套劇都播完一年有多）朴宰燦仍然著住朴栖含啲衫周圍走⋯⋯
本身有係電台承認過佢會單方面偷栖含哥啲衫著（因為身高193既psh係唔會著到177既佢啲衫，所以只有pjc著psh啲衫依件事會發生）而pjc點著到人地啲衫架請問？
咁緊係去psh屋企先拎到佢啲衫著啦⋯⋯而psh係自己一個人住的。即係你兩個孤男寡男經常獨處一室
而因為有個訪問亦係講起過psh入伍前出版既雜誌唔知寄唔寄得切比佢，psh就同雜誌社既人講唔緊要，照寄，放門口pjc會收⋯⋯
好啦我地知道pjc擁有psh屋企鎖匙了，而且成日會上人屋企⋯⋯

然後睇返語意錯誤啲花絮s，就會見到依兩個鏡頭後都勁多身體接觸同好鍾意同對方玩
重點係psh一見到鏡頭成日縮手！！然後pjc一臉你做乜唔摸既樣
有一段係psh餵緊野飲比pjc pjc拎住個暖風機吹psh 但我冇gif（得片

拍雜誌花絮
放送直播

笑容勁甜同摸摸好自然 （成日都覺得如果呢啲感情好既表現係營業應該可以拎奧斯卡

我會覺得就算佢地係營業 肯做到播完一年後都仲做緊售後服務 我好樂意嗑
上星期psh爺爺過左身 上左新聞 個日無啦啦pjc like左psh ig張櫻花相
重點係pjc個ig係冇follow psh佢只follow左自己團ig同埋member既ig 所以佢係要特登撳入去psh個ig 先可以like到佢啲相（唔知pjc依個心機boy想表達啲咩了（究竟想同fans講psh有佢撐住 定純粹遙遠地幫psh打氣 定只係突然諗起依個人開佢ig睇下like左張相啫）

啊 然後仲有濟洲島事件 痴線講左成晚都未講完
話說佢兩個拍完劇之後⋯⋯兩條友去左濟洲島旅行。
diu diu diu 咁撚sweet 係私人行程 非工作
然後旅行個啲相pjc ig有po ，都係有人幫佢影，仲著住psh啲衫（又

去完返黎做左個雙人訪問，個個訪問pjc係勁人妻
補充 呢個訪問錄個陣係未播出 個陣係唔知會紅既狀態

diuuu我仲未講完
mark下仲有殺青、入伍、生日禮物、放濕器、手機殼數碼暴龍貼紙、韓服、蒙面歌王、milkis ，差啲漏左！朴宰燦可愛禁止令！CP獎！

我想繼續依個po但我唔得閒！！！貼張小姣婆朴宰燦 只想表達愛豆既佢真係好撚姣（屌（讚美
同係psh面前完全唔同

仲想講埋psh屋企有塊好高既鏡 唔記得係拍vlog定直播講起 然後一齊直播個陣pjc好驚訝咁話佢都唔知有塊咁既鏡（因為psh身高193佢貼左塊鏡係一個高到pjc177都睇唔到既位）但做乜鬼sh哥屋企有你唔知既野你要咁驚訝啊pjc
Ref➡️➡️朴栖含家的193鏡子(feat.上次去沒看到的177）Watcha party 220226/왓챠 스페...

講樣簡單啲 就係佢地其實一早已經見過面！
係接呢套劇之前 2020年個陣朴栖含仲係knk愛豆 有上過蒙面歌王做嘉賓
然後當時其中一個表演者就係朴宰燦！！（而嘉賓psh都有投票比pjc）
個陣朴栖含仲因為覺得dkz弟弟們好可愛有請過佢地飲milkis！所以到依家cp粉 同埋 劇組都仲好鍾意milkis做梗 （psh啲眼神🤯）
但佢地接劇之前都唔知係對方 到第一次圍讀先知對手係對方，不約而同都慶幸係呢個對手。跟住兩個都提過好多次好開心/好彩張宰英係朴栖含、秋尚宇係朴宰燦！

痴線架 點解連對手都咁有CP感 栖燦好撚襯啊屌 補多張圖 劇入面拖手既gif我仲未搵返！！！ 搵返喇媽咪我！導演真的很懂！！拖手拖到咁色情

入伍！係！因為psh係套劇播結局個陣已經要入伍，佢係ig live同埋最後一次公開活動都有叫自己啲fans支持宰燦⋯⋯依個男人真係超好⋯⋯

佢一直都唔敢叫啲fans等佢⋯⋯直到fans真係問出黎點解唔叫我地等你 跟住佢先肯講出口 想大家等佢 請等佢[中字/ENG] 栖含入伍前的話💌| 溫柔大爆發💓| 大家會等我嗎❓| 박서함 Park Seoham ...

生日禮物 朴宰燦生日咁岩係拍攝期間（佢12月6號生日早五条悟一日）然後psh明明拍完野都仲留低等同pjc慶生 而且送左枝香水比pjc
（係，就係我買比我自己既個枝diptyque）
然後我話比你地知當我係舖度試個隻味既時候係幾衝擊 因為隻味係勁女仔既花香味⋯⋯下次聞下我（ry（其實我本身有少少嫌香得滯 唔係因為佢地我唔會買
但！pjc係超鍾意依隻味 佢覺得勁岩自己 佢仲話本身唔鍾意呢啲bb味但呢隻好岩日常用 （但我想話隻味絕對唔係bb味囉 究竟邊個話佢噴完似bb（（（（（所以係咪叫佢做bb既男人講既？
佢仲同psh一齊幫枝香水改左個名，ig live都要直播噴香水比大家睇（？？？？）

放濕器！呢個topic其實仲有窗簾同埋藥膏，總括黎講就係psh屋企越來越多pjc用既野！
因為psh係獨居，經常係屋企直播同埋拍vlog，所以大家察覺到psh屋企有咩改變。
pjc以前訪問講過佢一定要用加濕器同埋遮光窗簾（語意之前就講過）
後來psh屋企既百葉簾換左做遮光窗簾，床邊多左加濕器⋯⋯
再後來psh屋企又影到罐pjc成日用既cream⋯⋯
總之就係psh屋企逐漸出現pjc既生活痕跡⋯⋯ 有理由相信pjc多次去過夜（造謠
等我搵返啲圖
個人認為唔係同居都一定會間中過夜⋯⋯（正好過夜咪會著男友啲衫走囉係咪？好合理）

仲有之前psh打爛左盞枱燈，pjc買左盞新既比佢，呢個係有公開講過既，唔記得ig live定咩

呢個係有段時間，pjc手機殼上面無啦啦多左張數碼暴龍貼紙（天使獸），而pjc本人係個啲唔睇二次元既人，對數碼暴龍一無所知，但psh係超鍾意數碼暴龍，並且最鍾意巴達獸（即係咁，進化後就係天使獸）⋯⋯全世界認為張貼紙係psh比佢既，至於點解會貼係度就只有小情侶知道（
前幾日psh官咖先講左件on 9野（雖然入左伍但都會靜靜雞係官咖同fans得閒講兩句
係psh坐係地下食雞胸肉期間訓著左，啲汁滲左入地板抹唔甩，然後佢用數碼暴龍貼紙貼住左，問大家可以點樣抹到，附圖 難怪pjc話psh係個傻哥哥⋯⋯佢真係傻架（？？？

突然見到呢張gif 呢個係宣傳劇既一個小短綜藝既幕後，正片應該影緊pjc大頭所以冇影到，但我覺得psh呢個舉動係sweet但最癲既位係pjc對psh呢啲親密舉動完全無反應！！點解？無啦啦有人幫我拉襪我應該會嚇親 就算fd都唔會咁做！究竟係close到點樣先可以當朴栖含幫朴宰燦拉襪，而朴宰燦會覺得呢件事自然到唔需要有反應

手機殼仲有依個，psh話呢個手機殼係pjc送比佢
補充天使獸系列
再補充下pjc唔睇卡通/動漫既程度係佢有集是夢啊玩開扭蛋，講到pooh既朋友就諗左好耐先諗到豬仔，開到多啦美問係咪多啦A夢女朋友，staff示意係阿妹，佢先：哦係阿妹，阿妹叫咩名？然後補充因為自己真係冇睇動漫所以唔識⋯⋯（因此究竟一個連多啦美都唔識既人點解會有張天使獸貼紙 仲要貼落手機殼度 嗯⋯⋯

講cp獎之前要講一講 雖然psh入左伍 但新演員獎仍然有提名 讀結果之前台下飯拍影到pjc一路合十幫佢祈禱🥺🥺可惜最後冇拎到獎

最近又有新糧⋯⋯痴撚線我都唔明點解依兩個人一個入左伍一個拍劇神隱左都可以有新糧 雖然好多巧合但真心覺得只係巧合都證實左佢兩個好撚有緣！

上面咪講緊psh係地下食雞胸肉，咁點解佢有櫈唔坐，要係地下食野？佢話因為佢買左張新櫈 但係又覺得張凳又硬又凍唔想坐所以坐地下（好想吐槽地下唔係一樣咩）然後佢就貼左張櫈既圖 一開始大家覺得做乜會買張咁既公園長櫈係屋企 覺得好好笑 又笑唔明有錢人世界咁
但大家後尾發現⋯⋯等等 呢張櫈 非PS係雜誌相黎⋯⋯pjc雜誌相曾經係同款櫈上面拍過
我⋯⋯我我我覺得？？？就算拍拖都唔會買我男朋友踩過既櫈但⋯⋯好驚訝呢個緣份 點解咁都會撞款 花絮張凳都有出現過

然後就係最近DKZ自家團綜更新，睇多左合宿既地點既景觀⋯⋯大家又有新發現
就係呢個地方以前psh都黎過⋯⋯咩緣份。
可唔可以ff係psh推薦呢個地方比dkz弟弟們去玩同拍野⋯⋯作為一個尚算理性既cp粉我成日覺得係咪我地ff太多但點解你兩個可以咁有緣 就算真係巧合 都係好有緣 我解釋唔到

今日update既9tosix幕後花絮，Pjc著既白色外套仔有越南fans出黎認領左係佢地慶祝語意錯誤一周年送既禮物（psh都有，佢個件係黑色）
好啦當pjc唔會記得啲衫係邊個fans送啦 隨便著 我唔ff
但psh貼左張食飯圖⋯⋯ 隻水杯係韓粉送既語意錯誤玻璃杯 係咪有少少暗示會有語意第二季 敲碗

前面咪講過佢地連手都咁有CP感 睇返佢地比心，pjc既尾指都係只貼到psh無名指 呢點都覺得好可愛 明明pjc同小演員比心都可以拼得齊手指

補返圖我終於搵到
psh以前屋企 （然後盞燈打爛左）
依張係後來⋯⋯新燈係pjc買既，最上層最右多左個放濕器（pjc訓覺必需品），中間層既藍色蓋cream都係pjc愛用既

呢個係殺青，當年拍完語意殺青佢地就係咁攬住喊到傻左⋯⋯（pjc以前仲聲稱淚線壞掉（不過我覺得佢依家易喊左www
佢哋係真係好唔捨對方 明明只係一齊拍劇拍左19日 如果代入下返新工一個月依家有同事要走既話我應該頭也不回wwww feel到佢地感情真係好好 講真 真係就算唔係戀愛個隻 單純係好兄弟都真係好好感情（卑微既我唔敢大膽ff⋯⋯但比喻完真心覺得兄弟朋友對左19日之後要分開都真係完全唔會需要喊 大家約一約咪可以出黎wwww

又補啲幕後照 幕後仲令人覺得甜過做戲真係好痴線
（真心 除左男友之外點會咁樣咬其他人⋯⋯（

韓服呢單其實意思都差不多就係有個訪問佢地著韓服影相咁啦（堆自拍psh仲要擺埋DKZ啲手勢又幫宣傳
但但但！最經典既圖又又又又唔係擺拍 呢兩張新聞圖片！係pjc真係幫緊psh綁件衫既時候被攝影師捕捉⋯⋯佢地個啲拖手跑既擺拍圖 統統都冇抓拍既咁甜咁自然⋯⋯

唔知有冇講過語意導演有講過其實有啲場口本身係NG片但導演將ng既片放左入正片，當時係ng但剪輯時候發現更加有火花所以用左（（因為唔劇透就唔放劇既gif 劇好多畫面都拍得好靚 強烈建議睇！
最後講埋朴宰燦可愛禁止令！呢個又係同導演有關，原因係psh覺得pjc好可愛、佢成日都話jc QQ，望住佢眼神愛意勁得濟，於是被導演約左出去cafe傾，禁止佢再覺得朴宰燦可愛，唔準摸佢，唔準咁鍾意佢（因爲之後要拍佢地一開頭鬥氣個啲內容
然後psh就催眠自己朴宰燦唔Q唔Q，pjc就不爽更加撒嬌扮Q引佢

CP獎就係佢地拎左2022既熒幕情侶獎 好似第一次有男男？ 上台個陣psh入左伍所以得pjc 同埋psh既紙牌www 然後pjc讀左psh line比佢既感想，psh話要同pjc做一世最好朋友，讀完既pjc完全冇補充 直接話佢既心意都係一樣
韓國好重視尊卑 細既一定嗌大既做哥 但呢兩位年紀相差8年，其實一定係pjc講敬語叫哥 ，但佢地應該一早就私下平語緊 佢地做直播有學劇入面玩平語遊戲 但psh就表現出你不嬲都講平語架啦有咩意思既既態度www

以為更新完但我又要更新了屌

前幾日pjc失蹤多日終於蒲頭，出左個story係夜遊漢江既片，片入面踩緊單車但踩緊車又點拍片呢？個陣大家都有小ff係男朋友載緊佢啦咁我地都真係純ff唔敢出聲既 然後琴晚！！psh官咖有回覆fans問題：fans明顯係cap圖自pjc story個句I love Seoul 點知佢覆左句I love you 真係唔好話佢地兩個邊個係單方面炒Cp 就算係炒都係兩條友一齊炒 我屌 一隻手掌拍唔響架！！！
咁多粉絲留言你係要揀呢啲留言黎覆既 唔係放閃係乜 救命

其他佢覆左幾個留言都係有關漢江同踩單車
包括話自己鍾意係漢江踩單車 推薦漢江遊覽路段 鍾意夜晚散步

然後佢po左張鬚根相 嗯 屌你素顏都咁靚仔 然後 重點來了係pjc曾經貼過既自拍⋯⋯嗯嗯嗯 okok被同燈光都有啲似我屌 而pjc以前講過自己張被係米色但唔知點解呢張係灰色囉（ 係咪呢張先係宿舍既被

朴朴只係想求個語意第二季你地就不停上演真人戀愛故事 點搞啊 好想整個橫額寫住I love Seoul I love you