明天早上八點前要到毅行者起點，我要睡了~ 各位健兒要養精蓄銳，完成100公里，齊齊開香檳！

雖然跟唔到毅行全程，但內心仍然想睇住大家一起出發一起到終點。小弟希望用我的傻瓜機幫健兒們留倩影，哈。

中心二十週年攝影小組要揀相，無意中發現好多山友已經見過。如在英國的L小姐和我上過深圳行山，Jackie仔和我行過腹地，神「癲」俠侶在三月行大潭水塘已經見過…太多太多了。雖然今年仍然待機中，但認識這麼多朋友，渡過每一個旅程，心中依然滿足。還有兩天就要經歷另一個時刻，所有人努力啦~

今天下午出席了樂山毅行的誓師大會暨聯誼會，地點在荃灣某公營機構的會所進行。都有唱過下歌啦，俾左錢唔唱歌好蝕底嘛。最衰只有兩支咪，少了機會一齊唱。又今天少左人出席，有點可惜。唱到22:00就坐車離開。離毅行還有五日，各參加者和十卜者都要加油呀！而我的屁屁跌倒受的傷都要快d好番~

今天尾龍都係痛，尤其是鼻敏感發作時，好X痛。之後應該要睇醫生了。死啦，這種痛會唔會跟我一世嫁。男人無腰骨，做乜都唔得。唉~ 今個星期六日都唔洗旨意行山了，可恨。

行了幾個月麥記，今天跟了臉書行山新隊目「慾望積高」行六咀，結果咀到出血。行去荔枝窩因石級濕滑，「美濃窟」落地，好痛。行動力減了一半。下午綑邊加穿林時好辛苦。行到六點都未到，水位又不斷漲。結果一場「奇遇」後回到上水坐車回家。今次的旅程真是有血有汗，依家最驚毅行十卜時行動會…唉~

星期五毅行十卜開完會，星期六下午去虎豹別墅一遊，好kai多人，入面空屋一間，上面又起了個名門大煞風景，唉~期待活化後有新景像給市民欣賞。之後圖書館、ifc、海港城、K11、The One。然後坐車回家。明天綑六咀，期待中~

剛完成第一次十卜工作。昨天下午到西貢，五點到水浪窩。打邊邊等了四隊就過擋。10:15pm到獅子亭，再轉到城門，05:40am到荃錦。川龍飲茶後去大棠等王總，10:15am就行完九和十段，到餐廳吹吹就坐車回家。今次十卜首要學到十卜前要有足夠睡眠，所以依家我要教教豬了~

下午發現借的書未續借，逼住要還，唯有出街。先到旺角圖書館>朗豪坊>西九龍中心>奧海城，去了空中看地球展覽天黑影唔到相，剛好那邊有影片播放，於是坐低收看。頭段有小小想訓，之後講到人類瘋狂開採地球資源時就醒晒，影片尾部有講我們還有機會改變現況，希望大家有時間都去下那裡睇下啦~

今天又北上，去了蛇口行超市和街市，好想去蛇口迪卡儂，又要擇日再去了。之後回到香港，再去九龍灣影相。去到德褔無裝飾影，於是去MegaBox行宜家。又無了一日時間添，明天去邊好呢？