對22年的自己講聲加油

<哥哥太善良了，真令人擔心>

好基，超級基

再三懷疑係咪耽美漫

但男主同哥哥好多粉紅泡泡 認真咩，我覺得可以

小説<重生敵國當團寵>/漫畫<再次遇見光明>

嘔

遇已完結嘅小説先，但第一章就不能入眼，果斷放棄。之後巧合睇到連載中嘅漫畫版，覺得幾好，就決心追小說。

嘔

果然小説先夠細緻，將女主嘔心嘅蠢白性格描寫非常入微。兩世眼光極差，上秒話討厭下秒就對人同情又覺可愛，咁嘅情節仲唔止一兩次，作者仲有冇其他套路。拜託女主前世就被親人背叛死，每次都誤會後發覺人家有苦衷其實係好人，嘔。轉世時忘了腦吧？作者仲用咗好多字數敘述女主交友過程💩

仲有唔少令人心煩嘅地方，例如先係覺得公主配不上自己哥哥，同人講兩句又心軟同意幫手撮合，不久又覺公主冇眼識煩人小孩性格。大佬上一章你先同你哥討論皇后條件，帶點邏輯或作者同女主有個共識先？又出又入龍門任你搬讀者觸摸唔到啊

漫畫畫風幾好，心理描述好少係裹面，但睇小說發展我對漫畫冇咩信心。

<關於我寫的同人被正主發現>

好好睇👍🏾三級贊，畫風都好靚，仲未完

Cp捉摸不定，但我覺得每種都不錯。我好少樂意接受這種情況，但因為每個角色都好有魅力，所以目前為止我都好鍾意這本。

終於知道點解我大多時候都偏好主角，因為我根本接受唔到蠢過頭嘅性格，小白花女主我會走都走唔切，即使女配幾合我心，例如<你的吿白已簽收>即使畫風幾好，我都嘔。最後我都係跟著自己喜好走，我當然會偏向主角啦。

<娶个公爵当皇后>

勁好笑。主角唔走尋常路，以為劇情崩壞但故事又圓得返。

差啲因爲畫風棄坑(男主角似極了吸血鬼笑死，後面進步很多

其他角色都好可愛。最鍾意女主性格，夠真接 有咩問題，綁人再講。第一個會打斷男主腳嘅女主🌹

但其實個名到底有咩關係🤣

冇辦法接受同前世殺死自己嘅人一齊。。。

<皇帝的獨身女>

不要結婚啊，只要爸爸同阿西西不好嗎

由止可見，我可能係個不婚主義者。

都可能我渴望父愛吧

嘛，到依家都唔知魔女血統有咩用，難道就為咗增添男女主情趣而存在。觸碰神嘅力量，瞳色就會因為魔力排斥而變化 ummmmmmm

而且太強調女主冇咩才能，只有美貌。仲有因爲存在本身就治療了別人。對我依啲會自我要求嘅人嚟講，真係唔太ok。不過可以自我ff人家做公主已經做緊唔係常人做嘅嘢，可能係女主視角對自己嘅能力冇咩自信。

話說真係好鍾意爸爸同女兒嘅故事，真係唔想女兒長大爸爸變老。

<被廢棄的王妃>

最仆街嘅神

覺得男配最值得嘅漫

女主堅定啲啊 唔好原諒太子啊

Shit 我依家開始欣賞金髮碧眼了

<女主的手術刀>

係我鍾意嘅同人畫家畫的漫，好L興奮。特別係男主似艾斯，二哥似薩波 (好撚鍾意佢嘅ASL

拖太長，而且唔合比例。我認為斷係第一季就完美，第一季有79話，二三季分別只有30幾話，就咁睇二三發展太快好唔適應。例如第二季就4話打完boss兼男女主瘋狂發糖，感情發展猶如坐火箭。

第三季冇耐性了，單靠對畫師的愛，我直接跳去結局。cp都係意料之中，全部人HE。唔知點解我唔鍾意雙方確立關係後嘅故事，當初刀劍都係因為咁頭幾話就冇睇。

吐嘈一下
係個有超能力嘅世界，但所謂超能力實在太op，一人可以飛天、一瞬間粉碎鐵閘。
而且好多背景設定都冇用到，好浪費。
角色髮型每集都變，雖然都係靚嘅

唔知點解最近好易鍾意配角，明知冇好結果 如果有一部係主角同配角走埋一齊就好了。