呢間公司的sales經理廢到呢，今日嚟文件因為趕住posting 要明日朝早交，我話要做寄速遞，明日一定交唔到，到咗第二日佢搵總經理打電話畀我上司叫我做，連我上司都推咗，問總經理知唔知過嚟的文件成尺厚，無可能對得切而且做緊寄速遞，跟住總經理就直接跟我講電話話我答應咗今朝可以交到文件返office,嬲到我企硬話我同sales 經理講咗係一定交唔到，最快都要明日先交到，之後我响電話聽到sales經理把聲話我係講過係今日交唔到要明日先交到。文件係2月過嚟果時已經有問題，出咗email同你講咗有問題要改，一個月時間出過三次email 都唔理我，最後我係要send 畀會計經理幫我去處理。最後文件都係有錯，已經send 咗畀你睇係錯乜，都係咁錯,連會計經理都話趕住posting ，send 返office 先，之後再做更正

原本諗住清晒手上的工作就遞信走，但出咗單大鑊野，我大佬幫我頂咗 ，遇到一個好上司真係好難得雖然佢自信同自戀程度都爆晒燈

今朝去咗科學園跑，半年前無聊+衝動+比賽選手包，估計自己能力報咗4.5km,以為跑步好容易，但開始練習去運動場連一個圈都跑唔到，經過半年練習，今朝都算跑得唔錯，至少跑完全程，中途無停低過行。
其實有個有跑開步的上司，係會不知不覺被影響。不過今次跑比賽，無向佢提過，因為唔想畀佢有動力減肥。

今日去剪髮，隔離位個阿姐諗住用60蚊要有幾佰蚊髮型屋的服務，前面要剪碎，後面如果剪到咁短唔知好唔好睇，打算留長，但頭髮又翹起，所以想剪短，我心諗你無L野呀，連剪髮師傅都串佢，剪短都係會翹起，呢度用10分鐘時間剪髮，妳想點剪我哋就點剪，唔會幫妳設計髮型，呢度唔係出面有杯水遞畀嚟果d 髮型屋，妳講到連自己都唔知想點，我哋剪唔到，前面幫妳剪咗先，後面妳再諗剪唔剪

大圍火車站A出口附開了一間類似food court 的店，有很多不同類型食品選擇，原本想食天使麵薄餅，但未有供應，於是買了台式便當

早前請假要11月尾去台灣辦點事，因為唔响香港，所以公司開倉日唔關我事

香港原來有好多跑步比賽，有個响屯門，但比賽時間早到搭頭班車都趕唔切報到

眼光光

我昨晚用咗一個鐘跑15個圈，見到人哋齋行都快過我

7月開始跑，跑1個圈就斷氣，直到9月尾正式上咗兩堂臨時跑步班，跑到6個圈，今天終於跑到12個圈，原本應該可以再跑多一點，但運動場夠鐘關門，下次要再提早去跑