頒獎時，播邊首曲？英國朋友send嚟聽到係“願榮光歸香港”, 唔知係唔係真

[拮第二針］ - Day 5
手臂未退紅未退腫，已經可以搬貨，但指力減弱，以前我可以徒手撕開紙包飲品盒，現在不行了

［拮第二針］ - Day 4
頭痛，手繼續紅腫。

［拮第二針］ - Day 3
前一日足足燒咗24粒鐘，今日退晒燒返到工，背脊左邊雞翼位好痛，間中有低燒，標吓冷汗咁，放工先知原來打針手臂紅腫咗一大撻，眼看手勿動，掂親會好痛。

兩溝，味道意外地夾

［拮第二針］ - Day 2
例牌手臂痛，但今朝身體發冷，凍醒咗，而且有發燒。放棄返工。

［拮第二針］- day 1
今日去拮第二針，同樣拮針前一直食清淡野，戎酸戎辣少食肉，今次第二針唔知係係姑娘好手勢定係人放鬆咗，都唔知佢幾時拮落嚟，完全feel唔到有針拮，似係有隻筷子篤一篤咁，但之後坐响休息區就嚟料，左手手指比之前無力，但都仲郁到，唔算嚴重。平安返到屋企。

復必泰第一針已拮，只係第二日拮針果舊肌肉痛到舉唔起隻手，針口位有少少腫，暫時無不適，第三日的今天，手已經可以搬貨了，但嚴重便秘

倉同事對我好好，早排有11板退貨，有一半無連箱返嚟，搞到我要搵箱，响缺中型至大型紙箱情況下，同事唔用，寧願用細D紙箱加高pack貨都留中型紙箱畀我，咁....如果我話要裸男，佢哋係唔係會响街捉幾個返嚟畀我呢

公司支額溫槍因為天氣凍死機，
起初以為用得多壞機，上官網睇，真係會有可能因為溫度問題而無法運作