讓我掐指算算

但我認為，重點其實唔在於主要角色應唔應該對主角有好感，正如我之前講原神並唔係抄BOTW，因為兩者既收入模式已經註定兩者本質上既不同，BOTW作為買斷式遊戲，操作角色只有林克一人，佢既重心就在於遊戲本身好唔好玩，地圖設計同其他元素既整體表現。而原神係抽卡遊戲，重心就應該在於唔同既主要角色，咩地圖設計音樂劇情等只係錦上添花

所以你想話玩家唔應該對角色說三道四，睇遊戲本身既品質，咁你賣遊戲啊，仲賣咩角色？我玩GTA有冇投訴過做乜Amanda Jimmy個個主要角色都唔喜歡我？我玩L4D2有冇投訴喪屍們攻擊我？因為人地係賣遊戲啊，當然係只要遊戲好玩就可以，你賣角色又怪我對角色有要求，你係咪有精神病？

最近因為塵白禁區表示會逐步刪走男角色相關既立繪，而藍色星原又表明遊戲只有女角色，兩派開火更顯得堡壘分明

其實你了解過就會覺得好無稽，因為雙方都係指住對面最極端既人，意圖污名化整個群體，而且遊戲公司向極端妥協，更加令到相對中立既人發現已經冇自己既立足之處，而被逼投靠其中一方極端，以我為例，我本身唔介意原神出男角色，但原神自須彌版本後期嚴重向女性玩家傾斜，逼得我只能認同ML仙人既講法，你自己唔極端，遊戲公司就會傾向另一個極端

多得on9遊戲公司同on9廚公司玩家，搞到整個手機遊戲社區臭不可聞