Square Enix發表最新既報告，例牌冇港台遊戲媒體講

先講比較抽象既，SE表明以後會重質唔重量，以及會將重心放番家用機上，對行情比較了解既都知，近年SE個朵臭到爆，推出大量既手機遊戲，好多都好粗製濫造，甚至相當於詐騙，營收成績本身已經夠差，雪上加霜既係，SE一見勢頭唔對路，遊戲好快就會停運，營運唔夠一年既手機遊戲同服務型遊戲數不勝數，睇黎SE終於都明白問題所在

再講比較具體既，SE黎緊會轉戰任天堂既平台，結合之前任天堂講到之後會有後繼機既公告，好難唔去諗私底下任天堂可能事先搵左SE傾左啲條件，係繼CAPCOM後既又一大損失，眾所周知（？）依家SONY唔再重視日本市場，而SE都係為PS5出左動用700名員工製作7年既FF16，可以話係仁至義盡了，就算我再討厭任天堂同SE都好難責怪佢地