睇Zelda玩家4年前比較BOTW同原神，雖然片中部分觀點我係唔同意既，比如佢認為Elder Scroll Skyrim唔係開放世界遊戲，但佢亦提出左非常有意思既觀點

佢認為原神唔係開放世界遊戲，當中有幾個原因，但最令我覺得有意思既係，佢指出原神有太多破壞沉浸感既設計，比如點解有神殿，點解有抽卡系統，呢啲部分其實係同建立世界觀係有好大出入

我諗起有位遊戲業既人介紹Rockstar既開放世界有咩咁出色，最終佢總結成Rockstar係先創造左一個世界，然後至做成遊戲

唔難睇出，一個出色既開放世界遊戲，應該係世界優先於其他任何事，比如你會發現GTA中玩家可以做既任何操作，都係該世界觀下可以做既事，亦即是玩法係世界觀既一部分，但原神中關於換人戰鬥，抽卡，地下城，寶箱等等大部分系統係冇辦法用世界觀去解釋同合理化