請專業的五樓回答

比如三國無雙系列就係冇幾多交互，有邊個會覺得對付雜兵係麻煩？但呢個模式並唔適合ZZZ，首先對任何敵人都係斬瓜切菜咁易既話，以後點引你抽卡？試想像一下，如果三國無雙既呂布係DLC，你會唔會買？然後就係無雙系列以同畫面敵人數目聞名，ZZZ做唔做到？唔得，依家佢既性能要求已經比原神高，你仲要求敵人要多？你想將PS5當成NS黎玩啊？

交互強既敵人係另一條路，但唔係唯一既路，比如洛克人同老戰神，佢哋既特色係咩？就係出色既關卡設計，但係呢條路同樣唔適合ZZZ，因為手機遊戲既重點，就係遊玩時間碎片化，無論米哈遊做左幾多大膽既決定，只有呢條金科玉律，佢哋絕對唔會打破，所以包括塵白禁域之類既遊戲，成日見到有人講關卡好短三兩下打完

其他仲有好多問題，比如遊戲局限於一個平面，Z軸已經用晒落標題，呢個我可以理解，Z軸戰鬥代表咩？就係招式需要考慮更多浮空同擊飛既玩法，仲有敵人重量點樣影響連招既複雜性，背後係伴隨非常多平衡同debug既工作

另外係打擊感太過弱智，一開槍就整個畫面震，一用圓鋸就好似DIO開替身咁，當然啦，Capcom守得最緊既商業秘密，邊有咁易俾你抄到，咪咁多白日夢啦

世上好多自作聰明既6uo仔，以為條路冇人行，自己就係先驅者，其實真正熟路既都知道路上幾多陷阱